Print this page

Aban, SEKOOP Fahe Prémiu ba Kooperativa 8 iha Timor-Leste

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira hatete, iha komemora loron Internasionál Kooperativa ne’ebé hala’o iha aban, sábadu (02/07), SEKOOP sei fahe prémiu ba Kooperativa walu (8) ne’ebé durante servísu hetan prestsaun di’ak.

“Distribui prémiu ba kooperativa sira ne’ebé mak hala'o nia serbisu di’ak iha situasaun ne’ebé Timor-Leste enfrenta, agora la'o funisiona di’ak tebes iha Kooperativa ualu mak sei hetan sertifikadu ba funsionamentu nian”, dehan nia ba jornalista sira iha Salaun SEKOOP, Akait, Dili, sesta (01/07).

Ba sertifikadu ne’ebé Kooperativa sira simu ne'e parte rekoñesimentu ida husi Sekretáriu Estadu tanba kooperativa sira hala'o serbisu disiplina, pratisidade, lealdade no konfiabilidade.

“Kooperativa ne’e iha Kooperativa kréditu nomós Kooperativa Produsaun maibé maioria ualu (8) ne’e Kréditu hotu ba ida ne’ebé mak sira-nia atividade ne’e Kréditu Uniaun maibé nia mós iha produsaun barak tebes tanba ne’e mak sira sei hetan iha Dili parese rua barak mak Munisípiu sira mak hetan prémiu”, informa nia.

Alende ne’e mós sei fahe sertifikadu ba rekoñesimentu ba formadór sira ne’ebé mak antes ne’e liu ona teste formasaun ba formadór nian iha Salaun Federasaun Hanai Malu (FHM).

Ba Komemorasaun loron Internasionál Kooperativa, SEKOOP hala'o atividade feira, no fahe sertifikadu ba formadór sira, inklui fahe Prémiu ba Kooperativa ualu ne’ebé mak la hetan Kolapsu durante ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items