Login to your account

Username *
Password *
Remember Me

MOP Selebra Akordu ho UN Women Asesgura Espasu Públiku Seguru ba Ema Hotu

Ministru Obras Públikas (MOP), Abel Pires da Silva, kaer liman hela ho Responsável UN Women iha Timor-Leste, Amy Nishtha Satyam. Ministru Obras Públikas (MOP), Abel Pires da Silva, kaer liman hela ho Responsável UN Women iha Timor-Leste, Amy Nishtha Satyam. Foto Suplay

Tempotimor (Dili)-Ministru Obras Públikas (MOP), Abel Pires da Silva, akompaña husi Vise Ministru MOP, Nicolau Lino Freitas Belo, asina akordu kooperasaun ho Responsável UN Women iha Timor-Leste, Amy Nishtha Satyam, iha salaun enkontru MOP, Kaikoli, Dili.

Tuir informasaun ne’ebé www.tempotimor.com asesu iha pájina MOP, kuarta (29/06) katak, asinatura akordu ne'e hanesan kompromisu ida liuhusi parseria ne'e atu asegura espasu públiku no planeamentu urbanu ne'ebé inkluzivu no seguru ba ema hotu liliu ba feto, labarik no ba ema ho defisínsia sira.

Ho akordu ne'e hanesan meus ida hodi manufesta vontade Ministériu Obras Públikas nian iha kestaun promosaun ba igualidade jéneru ninian.

Iha atividade asina akordu ne'e partisipa husi Diretór Jerál Administrasaun no Finansas (DGAF), Januário Barbosa, no ekipa sira husi instituisaun relevante no UN Women rasik.

Entretantu Ministru Prezidénsia Konsellu Ministrus, Fidelis Manuel Leite Magalhães, mós hala’o sorumutuk ho Responsável UN Women iha Timor-Leste, Amy Nishtha Satyam.

Iha enkontru ida-ne’e Xefe Misaun UN Women iha Timor-Leste rekoñese servisu Governu nian iha promosaun igualdade jéneru no salienta evolusaun pozitivu ne’ebé alkansa ona.

Tanba ne’e, esplika mós katak UN Women halo servisu hamutuk ho Sekretáriu Estadu ba Igualdade no Inkluzaun, SEFOPE no Ministériu Obras Publikas no manifesta sira-nia disponibilidade hodi fó apoiu tomak ne’ebé Governu presiza ba kestaun jeneru.

Ministru Fidelis reafirma Governu nia kompromissu hodi garante katak feto ho mane iha direitu no obrigasaun ne’ebé hanesan iha aspetu hothotu, iha moris família nian, kulturál, sosiál, ekonómika no polítika. Tanba ne’e, atu direitu hirak ne’e bele konkretiza ho di’ak liután, hodi feto timoroan sira bele kontribui barak liu no di’ak liu ba sosiedade no ba kresimentu ka dezenvolvimentu rai nian.

Iha lei ne’ebé Governu aprova liuhusi Konsellu Ministru, iha prosesu diskusaun klean hodi verifika ba ninia impaktu ba kestaun jeneru. (*)

Rate this item
(0 votes)
Last modified on Thursday, 30 June 2022 10:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter