“Filafali ba prosesu update kuandu update hotu iha hatama ba DNA (Diresaun Nasionál Aprovizionamentu) halo verifikasaun, se prosesu ne’e la'o hotu iha tinan ne’e sei prosesu renderizasaun ba estrada refere”, dehan nia ba jornalista sira iha Palásiu Governu, kuarta (29/06).
Tanba projetu refere momentu tama ba projetu empréstimu maibé iha la konsege finaliza nia dezeñu, entaun MOP deside halo update fila ba dezeñu refere.
“Tanba projetu ne’e uluk hola parte iha projetu empréstimu nian mais momentu iha ne’ebá la konsege entaun dezeñu ne'e kleur ona entaun filafali ba prosesu update”, afirma nia.
Iha loron tersa (28/06), Administradór Postu Administrativu Laklubar, Munisípiu Manatuto, Natalino Martins Carvalho, husu ba Ministériu Obras Públikas (MOP) atu hadi’a estrada diresaun Manatutu-Laklubar tanba tinan barak ona kondisaun estrada ne'e kontinua aat.
“Estrada kuaze kilometru 10 ida ne’ebé grave tebes no prezedika tebes komunidade atubele hasai sira-nia produsaun ne’ebé iha hodi fa'an iha kapital munisípiu Manatutu nian problema hirak ne’e ami husu ba Governu sentrál atubele kria kondisaun hirak ne’ebé ha’u temi”, dehan nia.
Alende iha estrada diresaun husi Postu Administrativu Hatubuiliku mai iha Maubisse ne’ebé agora dadaun iha hela prosesu update ba Konstrusaun refere. (*)