Login to your account

Username *
Password *
Remember Me

Komunidade Komoro Kontente Programa Sesta Bázika Reforsa Ekonomia Família

Komunidade Fomentu II, Suku Komoro simu hela ai-hán sesta bázika ne’ebé oferese husi Governu. Komunidade Fomentu II, Suku Komoro simu hela ai-hán sesta bázika ne’ebé oferese husi Governu. Foto Suplay

Tempotimor (Dili)-Komunidade no Autoridade lokál husi iha aldeia Fomento II, Suku Komoro, sente kontente ho programa distribuisaun Sesta Bázika ba faze-daruak, tanba bele reforsa ona komunidade nia nesesidade loroloron no ekonomia rai-laran.

Tuir informasaun ne’ebé www.tempotimor.com asesu iha pájina MTKI, kuarta (29/06) katak, Xefe-Aldeia Fomento II Suku Komoro, Maculado da Conceição Doutel Perreira, fó apresiasaun boot ba polítika Governu konstitusionál daualu tanba hamosu programa insentiva no subsídiu barak benefisia ba povu Timor-Leste liuhusi Orsamentu Jerál Estadu (OJE) 2022.

Tanba Governu ne’ebé lideradu husi Primeiru Minsitru, Taur Matan Ruak ho apoiu husi partidu koligasaun (FRETILIN, PLP no KHUNTO) hamosu programa distribuisaun Sesta-Bázika faze-daruak.

Ho programa distribuisaun Sesta-Bázika vantajen di’ak tanba maioria produtu husi lokál, no pursentu oituan de’it mak importa husi rai-liur.

Tanba ne’e meus ida ajuda tebes ekonomia rai-laran, hasa’e kapasidade kompra no sirkulasaun moeda iha rai-laran, motiva agrikultór sira hodi reforsa produsaun ai-hán.

Maske iha komunidade balu kestiona produtu manu-tolun ne’ebé mak át, maibé la fó impaktu ba prosesu distribuisaun.

Iha aldeia Fomento II, suku Komoro benefisiariu hamutuk Uma-kain 618 husi totál membru família 3.238.

Ba reklamasaun iha membru família kuaze na’in-50, maibé autoridade lokál hamutuk ho ekipa tékniku iha entendementu, nune’e komunidade bele simu sira-nia direitu iha tempu tuir mai.

“Nu’udar autoridade lokál senti orgullu tebes ho Governu ida agora tanba fasilita ona nia povu liuhusi programa distribuisaun Seta-Bázika no subsídiu osan. Komunidade iha ne’e barak mak kbi’it la’ek, agora ho programa ne’e bele reforsa tan sira-nia ekonomia família, tanba ne’e ha’u-nia hanoin ba oin sé kontinua di’ak liután atubele ajuda povu kbi’it la’ek”, afirma Xefi-Aldeia.

Autoridade lokál ne’e fiar katak kada tinan kuandu Governu orsamentu programa Sesta-Bázika iha orsamentu anuál ba oin empreza sira sei investe iha agrikultura no hamosu kampu traballu barak.

“Ha’u fiar ida-ne’e programa di’ak no ba oin sei reforsa ekonomia no aumenta kampu traballu ba juventude sira”, dehan nia.

Benefisiáriu Sesta-Bázika, Maria Fátima Doutel iha nia membru família na’in-6 fó obrigadu barak ba Governu konstitusionál daualu.

“Ha’u sente kontente no agradese ba Estadu tanba fahe ona ai-hán mai ami, ida-ne’e ajuda tebes ami-nia nesesidade loroloron maske la’ós iha tempu tomak”, hatete nia.

Nune’e, Pascoal Suri Mali, husi kompaña Lider,Lda, tuir konkursu públiku hodi partisipa iha distribuisaun Sesta-Bázika ba povu Timor-Leste, distribui ona ba komunidade iha Baia-Leste, Fomento II no sei kontinua distribui ba Fomento I no III iha Suku Komoro.

Husi parte kompaña enfrenta difikuldade mak presu, bainhira Governu orsamenta presu iha merkadu seidauk sa’e, maibé iha tinan-2022 presu produtu importasaun no rai-laran kuaze sa’e maka’as. Maibé kontinua asume responsabilidade hodi distribui tuir prosesu normál.

Alende ne’e kompaña sejere ba Governu ho autoridade lokál, rezolve dadus reklasamasaun nune’e labele iha tan problema hanesan iha terrenu.

“Ami asume responsabilidade distribui nafatin produtu Sesta-bázika ne’ebé fó ona husi Governu”, hatete nia.

Implementasaun Distribuisaun Sesta-Bázika lansa husi Ministru Turizmu Komérsiu no Indústria, José Lucas do Carmo da Silva, iha aldeia Baia-Leste, Komoro iha loron-17 fulan-Juñu. Tuir planu iha semana oin Governu sei kontinua lansa iha Munisípiu Ermera, Likisá no Bobonaro. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter