Tempotimor (Dili)-Ministériu Turizmu Komérsiu no Indústria (MTKI) liuhusi Diresaun Nasionál Apoiu Dezenvolvimntu Mikro pequenas no Media Empresas (DN-AMPMEs) realiza atividade formasaun kona-ba "Komesa ita nia negósiu" (KIN) hodi fasilita Mikro pequenas no Media Empresas asesu kréditu-Suave.
Tuir informasaun ne’ebé www.tempotimor.com asesu iha pájina MTKI, kuarta (29/06) katak, atividade formasaun ne’e realiza iha Munisípiu 3, hanesan, Ermera, Manufahi, no Vikeké.
Tanba programa fasilidade garantia kréditu-Suave hanesan polítika Governu, estabelese hodi fó biban ba Mikro-Pequenas no Media Empresas foin hahú (star-up) no eziste atu do asesu finaseiru liu husi kréditu-suave (kreditu ho funan ki’ik) ho jurus pursentu tolu (3%) kada tinan, periúdu de graça husi fulan 3 to’o 6 no durasaun kréditu tinan 1 to’o 3.
Programa formasaun ne’ebé hala’o liuhusi servisu hamutuk entre MTKI, PNUD, BNCTL no IADE, ho objetivu, atu gia komunidade sira bele hetan kuñesimentu no abilidade kona-ba elabora planu negósiu. (*)
