“Estrada kuaze kilometru 10 ida ne’ebé grave tebes no prezudika tebes komunidade sira atubele lori hasai sira-nia produsaun ne’ebé iha hodi ba fa'an iha kapitál munisípiu Manatutu nian, problema hirak ne’e ami husu ba Governu sentrál atubele kria kondisaun estrada hirak ne’ebé ha’u temi”, dehan Administradór Postu Administrativu Laklubar, Natalino Martins Carvalho, ba www.tempotimor.com iha Salaun Administrasaun Postu Administrativu Laklubar, Munisípiu Manatutu, tersa (28/06).

Tuir informasaun husi Ministériu Obras Públikas katak estrada diresaun Manatutu-Laklubar ne’e tama ona iha lista maibé to'o agora seidauk iha implementa.

Ho komdisuan estrada ne’ebé at difikulta komunidade sira atubele lori produtu ba merkadu, tanba populasaun postu administrativu Laklubar maioria moris ho to’os no produtu ne’ebé hasai lori ba Kapitál Dili hanesan tua no ai-fuan sira.

Tuir observasaun ne’ebé www.tempotimor.com iha terenu katak, estrada kondisaun la di’ak no ponte hirak ne’ebé mak liga husi diresaun Manatutu ba Laklubar kotu hotu. (*)