“Planeamentu ne’e iha 18 metru, mais 18 metru ne’e atu kontrusaun hahú nia labele lori todan ida andar 5 ne’e, tanba ne’e mak sei paradu hela, depois kontrusaun ita sei para, agora sei iha ona faze ikus ona, Konsellu Ministru aprova ona orsamentu balun ne’ebé mak hanesan adisionál, agora hein Ministériu Interior ho kontraktór sira halo diskusaun hela, para depois tempu badak bele deside para bele fó orden servisu”, dehan Calistro, iha Kuartel Jerál PNTL, Kaikoli, tersa (28/06).
Tanba problema rai nia klean mak labele lori todan iha rai leten, tanba edifísiu foun ba kuartel Jerál PNTL ne’e sei hati’i ho andar lima nia todan ne’e porvolta 200 tonelada.
Ba komunidade ne’ebé hela iha área, laiha ligasaun iha laran, tanba konstrusaun iha laran, Nune’e komunidade sira iha fatin ne’ebé mak iha oin, presiza loke espasu ba ida-ne’e, tanba ne’e mak iha ligasaun ho terra propriedade ho Ministériu Justisa.
“Ita sei halo hela rekursu oinsá mak atubele haree mós sira-nia direitu balun, karik direitu sira ne’e Estadu rekuñese hanesan diploma rai iha ka la’e iha billete ruma iha ka la’e, hanoin ida-ne’e medida hotu para ita haree”, hatete nia.
Maske rai nia medida todan, maibé konstrusaun edifisiu foun kuartel Jerál PNTL kontinua halo, tanba iha ona solusaun.
Antes ne’e Governu Ofisialmente halo lansamentu fatuk dahuluk ba konstrusaun edifísiu Kuartel Jerál PNTL iha tinan 2020 hodi hala’o konstrusaun.
Ministru Defeza no Interior Interinu, Filomeno Paixão hatete, edifisiu foun ne’e importante ba PNTL sira bele hetan instalasaun no ambiente ne’ebé mak di’ak ba servisu hodi nune’e PNTL bele hala’o servisu ho di’ak.
Tanba PNTL hala’o servisu durante oras 24 hodi asegura seguransa rai laran nune’e Governu kaer nafatin politika kontinuidade hakarak fó apoiu ba PNTL hodi halo lalais konstrusaun edifísiu.
“Konstrusaun edifísiu ne’e ho montante orsamentu hamutuk $10, 177,638.20 ne’ebé responsabilija husi kompaña Shanghai Construction Group Co,Ltd ho durasaun tempu tinan rua (2020-2022) no hein katak ita iha buat di’ak ida, tanba ne’e maka ohin ha’u bolu atensaun Polisia sira katak Governu tau aternsaun ba PNTL hodi foti povu nia osan ne’e halo imi-nia uma halo di’ak tanba ne’e imi mós tenke atensaun atu halo servisu di’ak liután”, afirma nia. (*)
