Login to your account

Username *
Password *
Remember Me

FRETILIN Konsidera Orsamentu Retifikativu Bele Fasilita Dezenvolve Turizmu Komunitáriu

Deputadu Bankada Fretilin, Fabião de Oliveira. Deputadu Bankada Fretilin, Fabião de Oliveira. Foto Suplay

Tempotimor (Dili)-Deputadu Bankada Fretilin, Fabião de Oliveira, konsidera orsamentu retifikativu ne’ebé aprova iha Parlamentu Nasionál ho montante $50.000.00 kréditu suave bele fasilita Grupu komunitáriu sira atu dezenvolve Turizmu Komunitáriu sira.

“Ita haree katak fatin balun ita-nia komunidade sira komesa halo hodi atrai ita-nia vizitante sira atu ba hasai fotografia ezemplu iha Fleisa, Ermera, Marobo no iha fatin barak ne’ebé inisiativa ita-nia polulasaun sira iha. Ha’u Hanoin iha orsamentu ratifikativu por volta  de $50.000.00 ne’ebé ita tau ba kréditu suave ne’e orsamentu ne’ebé preve atu ajuda ita-nia grupu sira ne’e atu kréditu ou kompaña sira setór privadu $1000- 250.000, agora $1000-50.000 ne’e ita bele fasilita ita-nia grupu komunidade sira ne’ebé ohin ha’u mensiona liliu ba turizmu Komunitáriu”, dehan Deputadu Fabião de Oliveira iha Plenária Parlamentu Nasionál, tersa (28/06).

Tanba ne’e bele konsidera turizmu Komunitáriu ne’ebé presiza dezenvolve aleinde turizmu relijiozu, turizmu marina no eko-turizmu sira ne’e iha futuru fó aternativa reseita ba estadu.

Tanba ne’e, presiza promove liliu rekomenda ba Ministériu Komérsiu Industria no Turizmu atu bele haree asuntu ida-ne’e, hodi fó solusaun. Nune’e fatin situs sira ne’ebé iha Timor-Leste potensiál tebes ba setór Turizmu.

“Polulasaun hadi’a atu atrai ita-nia vizitante sira maibé falta de fasilidade, ne’ebé Governu liuhusi Ministériu Turizmu Komérsiu Industria atu haree fasilita sira para averse sira bele mellora di’ak liután sira-nia atividade sira ne’e para ekonomikamente sira bele hetan osan”, hatete nia.

Maske haree ba kritéria kréditu ne’e todan oituan, maibé husu ba Ministériu relevante atu haree ba grupu sira ne’ebé bele fó kréditu $1000-5000 atu hakman sira-nia kritéria no la bele hanesan fali setór privadu sira ne’ebé boot. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter