Prezidente ATR-TL, Pe. Angelo Salsinha hatete, programa ne’ebé hala’o hetan apoiu husi parseiru sira no Governu rasik atubele promove turizmu relizioza no instoriku iha Timor-Leste.

“Ita hotu hatene ATR-TL sei serbisu hamutuk ho USAID ba turizmu for all project, kona-ba promove konkursu ida ba turizmu relijozu ida”, dehan, Prezidente ATR-TL Pe. Angelo Salsinha, iha Ótel Timor Kolmera, tersa (28/06).

Ho programa ne'ebé realiza hetan apoiu tomak husi Governu nia ajuda ba inisiativa programa ne'ebé reliziaun lima ne'e hanesan Katólika, Islamiku, Protestante, Hindu no Buda.

Kompetisaun ne'e realiza ba tinan tolu ona, maibé USAID entrega ona ba asosiasaun turizmu relijozu ba oin sei kontinua hala’o programa kompetisaun.

“Durante ami realiza kompetisaun ne'e ba de'it universidade iha Dili laran, maibé oin asosiasaun turizmu sei realiza iha Munisípiu sira, husi joven sira iha Munisípiu bele ko'alia kona-ba veleja natureza turizmu istória no relijozu”, haktuir nia.

Tanba ne’e Asosiasaun promete sei realiza kompetisaun ne'e iha Munisípiu sira, hafoin idetifika ida ne'ebé ida di'ak mak lori mai Dili.

“Tinan-tinan atividade ida-ne'e ami sei kontinua halo fó oportunidade ba joven sira iha Munisípiu atu espresa sira-nia koñesinentu kapasidade ho vizaun ba misaun ba turizmu e sira sei dezenvolve sira-nia iha buat ne'ebé iha”, esplika nia.

Tanba sitiu turizmu relijozu ne'e atu dezenvolve presiza integradu ho servisu hamutuk ho Governu tanba buat hotu Governu mak tenke sai na'in.

Manán na’in ba diskursu públiku Kompetisaun TBEH, Eliza Joana Gosmão, sente orgullu ho programa ne’ebé realiza, tanba bele partisipa kompetisaun refere no sai manán na’in.

“ori uluk kedas hakarak sai membru ba embaixadór turizmu nian, soke foin hetan oportunidade ida-ne'e sei orgullu no kontente tebes”, dehan nian.

Tanba sai hanesan embaisadór turizmu sei servisu hamutuk ho Asosiasaun Turizmu Relijozu Timor-Leste ho parseriu USAID nian iha Timor-Leste.

“Hanesan embaixadora turizmu buat ne'ebé ha'u hatene bele lori pilár liman ne'ebé hanesan, prioridade, prospriadade, protesaun, turizmu no povu, atu habelar tan fatin turizmu sira”, haktuir nia. (*)