Tuir informasaun ne’ebé www.tempotimor.com asesu iha pájina Palásiu Sinza, segunda (27/06) katak, ekipa Fundu Monitáriu internasionál, konklui Misaun Artigu IV 2022 Mai Timor-Leste no Fó Sai ‘Konkluzaun Preliminár’ prinsipál tolu.

Tanba ne’e iha konkluzaun preliminar prinsipál dahuluk Ekonomia Timor-Leste hahú rekupera neineik husi COVID-19 no Inundasaun.

“Rekuperasaun ne'e espera sei kontinua iha 2022 liuhusi polítika fiskál ida ne'ebé forte no progresu konstante husi vasinasaun”, dehan relatóriu Komunikadu ne’ebé www.tempotimor.com asesu husi relasaun Públika FMI.

Iha mís konkluzaun daruak mak Reduz despesa Governu to'o iha nível ida ne’ebé mais sustentável mak esensiál atu evita risku fiskál maior enkuantu kontinua proteje grupu mais vulnerável husi folin ai-hán no enerjia ne’ebé aas, mantein esforsu vasinasaun, no salvaguarda investimentu ne’ebé importante ba dezenvolvimentu.

Ba datoluk nia mak Mellora ambiente negósiu no garantia reforsu governasaun hodi mobiliza setór privadu, diversifika ekonomia no kria empregu. (*)