Iha distribuisaun ne'e kompaña Hedge Utility, Unipessoal, Lda mak fahe ba populasaun sira iha suku sira ne’ebé pertense ba Postu Administrativu Laklubar.

Sekretáriu Estadu Kooperativa, Elizário Ferreira, iha nia intervensaun povu mak tenke hetan benefisiu, tanba ne’e hasoru problema sira iha terenu tenke tur hamutuk hodi rezolve tanba kompaña sira ne'e mesak Timoroan.

“Produtu ne'e mai husi ita-boot sira, ita-boot sira mak tenke hetan benefisiu e hetan kabazes ne’e bele hetan no tulun malu, tanba ne’e karik ema balun la hetan rejista ita-boot sira nia naran iha lista adisionál ida atu nune’e hothotu bele hetan direitu ida ne’e”, dehan Sekretáriu Estadu Kooperativa, Elizário Ferreira ba komunidade iha kampu Postu Administrativu Laklubar, Munisípiu Manatut0, tersa (28/06).

Ba sidadaun ne’ebé mak simu saláriu liu $500.00 sei labele hetan mak maibé nia família iha uma laran ne’ebé la hetan saláriu liu atuslima bele hetan nu’udar agregadu família.

Nune’e, Ministru Koordenadór Assuntu Ekonómika, Joaquim Amaral husu ba populasaun sira atu kontinua badinas hodi hakiak nia produtu sira hodi kompaña sira bele sosa hodi fahe filafali ba komunidade sira seluk.

“Programa sesta bázika sosa husi komunidade objetivu seluk mak kuandu sosa husi komunidade sira komunidade sira sente katak sira-nia produsaun bele fasil ema bele sosa osan tama ba sira entaun kontinua hasa'e imi-nia produsaun kontinua halo imi-nia to’os no natar aumenta imi-nia produsaun, se kafé barak aumenta imi-nia produsaun kafé, se rai ne’e bee barak bele halo imi-nia atividade haki’ak ikan”, dehan nia.

Tanba kompaña sosa husi komunidade mak produsaun la to'o ne’e la’ós kompaña nia sala maibé povu mak la halo produsaun ba sira-nia produtu rasik.

Komunidade, António Campos Soares, sente kontente tanba bele ajuda sira-nia família iha tempu difísil nia laran.

“Hanesan ami iha Postu Administrativu Laklubar nu’udar komunidade iha ne’e ami sente kontente kuandu Estadu mai fó sesta bázika tanba ami bele hetan tan dala ida, hahán sira ne’ebé mak sira fahe ami sei ba hán tanba ami hetan dezastre iha 04 fulan-abríl entaun oras ne’e dadaun ne’e laiha ai-hán para ami atu hán tanba ida-ne’e estadu fó ona ami sei hán”, afirma nia.

Maibé hahán ne’ebé estadu fó labele grante hón to'o fulan maibé Estadu konsidera nia komunidade sira prontu simu hodi sustenta família, maske lakleur.

Programa nasionál Sesta bázika ne’e programa planu rekoperasaun Ekonómia Governu konstitusionál daualu nian atu ajuda komunidade kbi’it la’ek sira iha Timor-Leste hodi bele sustenta ba nia família sira ne’ebé mak menus hahán iha sira-nia uma-ka’in. (*)