Print this page

FMI Konklui Vizita Timor-Leste, Entrega Ezbosu Konluzaun Preliminária ba MF

 Ministru Finansas, Rui Gomes halo enkontru ho Ekipa Misaun Artigu IV, Fundu Monetáriu Internasionál (FMI). Ministru Finansas, Rui Gomes halo enkontru ho Ekipa Misaun Artigu IV, Fundu Monetáriu Internasionál (FMI). Foto Suplay

Tempotimor (Dili)-Ekipa Misaun Artigu IV, Fundu Monetáriu Internasionál (FMI) ne’ebé lidera husi Pablo Lopez-Murphy konklui ona vizita semana ida mai Timor-Leste no entrega ona sira-nia ezbosu 'Konkluzaun Preliminár' ba Ministru Finansas, Rui Gomes atu fó komentáriu finál.

Tuir informasaun ne’ebé www.tempotimor.com asesu iha pájina Miniteriu Finansas, sesta (24/06) katak, Konkluzaun Preliminár ne’e sei serve hanesan baze ida ba Ekipa Misaun Artigu IV, FMI hodi prepara no públika relatóriu ida ne'ebé koñesidu ho naran Relatóriu Artigu IV, FMI iha fulan-setembru 2022.

Tanba informasaun husi Konkluzaun Preliminár ne’e mós sei serve hanesan referénsia ida ba Ministeriu Finansas iha faze elaborasaun OJE 2023. Ezersísiu importante ida ne’ebé mak daudaun ne’e Ministériu Finansas hahú halo ona.

Pablo mós hato’o agradesimentu wa’in ba ospitalidade Ministériu Finansas liliu Diresaun Jerál Planeamentu no Orsamentu liuhusi Diresaun Nasionál Polítika Ekonómiku ne’ebé fó ona asisténsia lojístika durante sira-nia vizita semana ida iha Díli, kapitál Timor-Leste. (*)

Rate this item
(0 votes)
Last modified on Friday, 24 June 2022 15:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items