“Ha’u haree ho matan iha merkadu sira balun to’o kedas 20 pursentu alkol e balun lubuk ida tama ilegál, Governu la tau matan ba ida-ne’e, ha’u-nia mensajen ba Governu mak ne’e, bandu importasaun serveja ne'ebé ho alkool liu nível alkolu ou estandar saúde internasionál”, dehan nia hafoin hala'o vizita kortejia ba edifísiu Sentral Kompaña Heineken iha Hera, kinta (23/06).

Maibé husu mós ba Governu tenke buka proteze investimentu, ne'ebé halo iha rai laran, tanba investimentu internasionál ida iha ne'e kria empregu ba povu sira iha ne’e.

Tanba emprezáriu internasionál sira ne'ebé mak halo investimentu iha rai laran, durante sira mak kria servisu ba joven sira, agora emprezáriu sira seluk ne'ebé mak hatama sasán ka serveza ne'e sira la kria Empregu.
“Sira halo iha rai seluk e sira fó empregu ba ema seluk e benifisiu ba Timor ne'e zero”, afirma nia.

Governu rasik ladún fó protesaun ba Kompaña Heineken tanba husik nafatin serveja oioin mai husi rai liur, pior liu mak serveja balun Importasaun husi rai liu ho nia alkol to’o pursentu 20, ne'ebé fó perigozu tebtebes ba saúde públiku. (*)