“Liuhusi asembleia jerál Federasaun organiza ita deklara loron 10 Dezembru ne’e hanesan loron Kréditu Uniaun (CU) e ita nia Mahein ba Kréditu Uniaun ne'e mak Padre Albert Carim” dehan nia iha Salaun Timor Klaran, Munisípiu Aileu, kuartu (22/06).

Rezolusaun ne'e aprova iha tinan 2011 ne’e haruka ona ba insitituisaun hothotu iha Timor-Leste atu konsidera loron nasionál ne’e hanesan loron Kooperativa Kréditu Uniaun nian.

Tanba Saudozo nu’udar fundadór ba Kooperativa Kréditu Uniaun iha Mundu no konsege sai misionáriu ne’ebé tama mai to’o iha Timor-Leste iha tinan 1990.

“Kréditu Uniaun tama iha Timor ne’e tinan 1990 Amlulik ema Alemaña ne’e mak lori mai Timor, nia Amlulik Jesuita ne’e muda mai iha Timor”, haktuir nia.

Kooperativa Kréditu Uniaun hotu ne’ebé iha Indonézia iha sira-nia sede oin sempre tau estatus Albert Carim nian.

Saudozo Padre Albert Carim nu’udar misionáriu ida husi Alemaña ne’ebé halo misaun to’o iha Timor no mate duni iha Timor-Leste ne’ebé hetan tiru husi Militár Indonézia iha Taibessi. (*)