Print this page

MAE Inaugura Sistema Bee-Moos no Reabilitasaun Sede Suku iha Kailaku

Ministru Administrasaun Estatal (MAE), Miguel Pereira de Carvalho, loke hela bee-moos hafoin iaugura. Ministru Administrasaun Estatal (MAE), Miguel Pereira de Carvalho, loke hela bee-moos hafoin iaugura. Foto Suplay

Tempotimor (Dili)-Ministru Administrasaun Estatal (MAE), Miguel Pereira de Carvalho, inagura perfurasaun bee-moos sistema bomba iha Aldeia Baiboro, Suku Guenolai no konstrusaun bee-moos sistema bomba, gravitasaun no reabilitasaun sede Suku Daudu nomós reabilitasaun Sede Suku no perfunsaun bee-moos sistema bomba iha Aldeia Suriubu, Suku Goulolo, Postu Administrativu Kailaku, Munisípiu Bobonaru.

Tuir informasaun ne’ebé www.tempotimor.com asesu iha pájina MF, kinta  (23/06) katak, Ministru Miguel halo inagurasaun ba Projeito Bee-Moos no Reabilitasaun Sede Suku iha Postu Kailaku Munisípiu Bobonaru hateten, nia parte sente kontente teb-tebes tanba simu relatáriu sira husi Xefe Suku no Prezidente KPA katak komunidade sira kontente ho bee, tanba iha tinan barak nia laran laiha bee-moos mais ohin loron konsege hetan.

“Hanesan Oitavu (VIII) Governu Konstituisionál ne’ebé mak nia programa ne’e halo investimentu gasta diretamente benefisia ba nia povu sira, bainhira ita-boot sira hetan bee-moos depois dehan kontente ne’e Governu mós kontente hamutuk ho ita-boot sira”, dehan nia.

Iha implementasaun Programa Nasionál Dezenvolvimentu Suku (PNDS) tau osan ba Suku sira atubele utiliza hodi halo dezenvolvimentu iha suku nia laran, hanesan Governu sente kontente tebes tanba komunidade kontente simu infraestrutura sira ne’e hanesan susessu ba komunidade.

Alen de PNDS hakarak hato’o programa Govenu balun mak hanesan, Uma Kbi’it La’ek (UKL) iha tinan 2022 sei halo uma-sia (9) iha suku ne’e ba ema Kbi’it La’ek no UKL Plus, nune’e tinan 2022 sei simu Sesta Bázika, Governu sei halo distribuisaun $200 ba kada família iha fim do ano, no Bolsa da Mãe Gerasaun foun, hodi fó subsídiu ba inan isin-rua no oan sira.

Partisipa iha inaugurasaun ne'e mak Prezidente Autoridade Munisípiu Bobonaro, Diretór Jerál Administrasaun Finansas, Sekretáriu Ezekutivu PNDS, Diretór PNDS Munisípiu Bobonaro no Ekipa, Komandante PNTL Eskuadra Postu Kailaku, Administradór Postu Administrativu Kailaku, Lideransa Komunitáriu sira hamutuk ho Konsellu Suku no Komunidade sira iha Suku refere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items