“Prezidente Repúblika mós konvida ha'u atu akompaña ninia vizita ofisiál ida ba Indonézia, m iha terseiru semana iha fulan-jullu nia laran. Ne'ebé ha'u mós kontente ha’u sei akompaña nia”, dehan nia hafoin remata audénsia ho PR Horta iha palásiu Prezidensial Bairo Pite kinta (23/6).

Ba oportunidade ne'e SACOM sei tau prioridade liliu ba área ekonómia no dezenvolvimentu ho parseiru sira iha Indonézia nian tanba tenke haree mós Timor-Leste nia esforsu sira ohin loron ne'ebé mak atubele Adere ba ASEAN.

“Ho adezaun Timor nia ba ASEAN ita tenke prepara, seu Prezidente dehan ba ha’u katak parte polítika ita preparadu ona agora ita tenke prepara-an iha parte ekonomia nian”, informa nia.

Tanba ekonomia Timor-Leste nian seidauk nakloke, maske ohin loron iha ona buat ida pozitivu maibé sei iha mós aspetu negativu, no husi aspetu negativu ne'e mak tenke prepara ona atu nune'e Timor mós prontu bele Adere ba ASEAN.

Dadauk Kompaña SACOM mós marka audénsia hodi hasoru malu ho Prezidente Repúblika atu ko’alia kona-ba dezenvolvimentu ekonomia liliu haree ba pontu importante sira ne'ebé mak Grupu SACOM bele kontribui. (*)