Hafoin Inaugura, SEKOOP no Plan internasionál la’o tama ba armajen no sede nia laran hodi observa direta husi kondisaun no materiál sira ne’ebé preparadu atu utiliza.

“Ne’e furak tebetebes, tanba besik estrada hanesan ne’e asegura, alista tiha membru kooperativa sira hodi fa'an produtu sira ne’e”, dehan Elizário Ferreira, hafoin inaugura sede Kooperativa JHAMA, iha Suku Seloi Malere, Postu Administrativu Aileu Vila, Munisípiu Aileu, kuarta (22/06).

Sede Kooperativa ne'e apoiu husi Plan Internasionál atu fasilita grupu no Kooperativa JHAMA sira-nia produtu no asegura iha tempu kolleta nian.

Atividade Kooperativa JHAMA ne’ebé halo mak rai no empresta osan inklui mós kuda modo no seluk tan iha Munisípiu Aileu nian.

Alende ne'e SEKOOP mós kontinua husu ba membru sira atu kuidadu fasilidade sira ne’ebé apoiu husi Plan sira no membru sira mós tenke hatene halo servisu hodi asegura sustentabilidade iha kooperativa refere. (*)