“CLN uluk ba tau Sesta Bázika Suku Alaua Leten. Ha’u ba haree Juventude sira iha ne'ebá mak hein to'o sesta Bázika fahe hotu, balun la to'o, maibé to’o agora seidauk kompleta e juventude sira ne'ebé mak hein iha ne'ebá mós to'o agora seidauk selu”, dehan nia iha plenária PN tersa (21/6).
Tanba, agora juventude sira mós kontinua ba hela de’it iha Xefe Aldeia no Xefe Suku sira-nia uma hodi ejize bebeik sira-nia Diretu ne'ebé to’o agora seidauk hetan.
Nune'e mós informasaun ida-ne'e juventude sira kontinua fó hanoin bebeik ona ba deputadu sira, la foti iha PN mós ladún di’ak, tanba ne'e mak liuhusi plenária Parlamentu ne'e hakarak fó hanoin ba Ministru Asuntu Parlamentár no Komunikasaun Sosiál atu tau atensaun oinsá fó hatene ba CLN atubele rezolve.
“Ida-ne'e mak ha’u hato'o ba Ministru para hato'o ba Ministériu relevante”, afirma nia.
Ba kestaun ne'e, Ministru Asuntu Parlamentár no Komunikasaun Sosiál, Francisco Martins Pereira Jerónimo hatete, kona-ba preokupasaun sira ne'ebe la konsege hetan resposta, Governu rejistu no sei informa ba Governu atu fó filafali resposta ba PN. (*)