“Ha’u hanoin ko'alia kona-ba hala'i husi sistema ne'e karik husi parte SEFOPE ami sei hadi’a ida-ne'e tánba ita iha Governu Timor-Leste ho Austrália halo akordu atu nune'e ita labele hala'i husi sistema tenke kumpre saida mak ita asina iha akordu. La'ós iha Austrália de'it mais iha Korea mós iha trballadór balun ke halai husi sistema, ida-ne'e ita hadi’a”, dehan Diretór Ezekutivu Sekretariadu ba Estratéjia Nasionál no Empregu (SENE-SEFOPE), Jenifer Antonio da Costa Pui, hafoin audénsia ho Prezidente Repúblika, José Ramos Horta, iha Palásiu Prezidensial Bairo Pite, sesta (17/06).

Tanba kazu ne'e, la’ós akontese ba Traballador Timoroan iha Austrália de'it mak hala'i sees husi sitema maibé akontese mós ba traballadór iha Korea balun halai husi sistema.

Ho ida-ne'e SEFOPE presiza atu hadi’a nune'e labele mosu implikasaun tanba iha akordu ne'ebé mak sira asina ho Governu wainhira sira hala'i husi akordu ka sistema migrasaun iha nasaun ne'ebé sira sebisu ba sei deporta sira fila mai no sira labele ona hetan oportunidade ba servisu iha raí liur.

“Kuandu migrasaun deporta sira filafali mai iha ita-nia rai entaun sira labele hatama tan ba Korea ka Austrália”, informa nia.

Tanba Traballadór sira ba servisu ne'e hetan konkordasia husi sira rasik hodi asina akordu ho Governu enkuantu sira hala'i sees ona husi sistema ida ne'e sei fó impaktu ba sira rasik.

Ho preokupasaun hirak ne'e SEFOPE deside haree fó nafatin sensiebilizasaun no informasaun di'ak ba joven sira ne'ebé hakarak ba servisu iha rai liur konsidera nafatin akordu ne'ebé hetan mós asinatura husi Traballadár. (*)