Login to your account

Username *
Password *
Remember Me

Governu Kria Programa UKL Plus Fasilita Materiál Konstrusaun ba Komunidade

Vise Ministru Administrasaun Estatál, Lino Torezao. Vise Ministru Administrasaun Estatál, Lino Torezao. Foto Tempo Timor

Tempotimor (Dili)-Governu liuhusi Ministru Administrasaun Estatál (MAE) liuhusi programa Uma Kbi’it La’ek (UKL) plus ne’ebé iha ona orsamentu hodi fasilita materiál konstrusaun ba komunidade ne’ebé nia uma kondisaun ladi’ak.

“Komunidade ne'ebé laiha kbi’it atu hadi'a ninia uma, ami hatete de'it komunidade ne'ebé nia uma kalen ferujen, Governu tau ona osan atu troka hotu komunidade nia uma kalen ferujen”, dehan Vise Ministru Administrasaun Estatál, Lino Torezao, iha Aldeia Baia-Leste, Suku Komoro, Postu Administrativu Dom Aleixo, Munisípiu Dili, sesta (17/06).

Maske Governu iha ona osan atubele hala’o programa refere, maibé iha rekejitu ne’ebé presiza haree, tanba ne’e, la'ós ba postu hotu hetan, maibé munisípiu ida postu rua mak sei hetan benefisia ba troka kale ferujen ba atribuisaun kalen.

“Governu sei prepara kalen foun ho parfuju foun hodi entrega ba komunidade ne'ebé laiha forsa kbi'it atu hadi'a no troka nia kalen ferujem ne'e”, informa nia.

Ba materiál ne’ebé prepara hanesan kalen uma-kain ida bele hetan metru atus-rua, Governu sei konstrui uma medida 12 X 9, komprimentu no largura ba komunidade sira.

Governu sei tau prioridade ba komunidade ne'ebé nia uma seidauk dignu, ho naran Uma Kbi’it La’ek (UKL), fó ona benefisia iha territóriu laran tomak, uma hamutuk 1.254 ba komunidade sira.

Ba komponente ida fali sei konstrui uma tomak, ba komunidade sira ne'ebé nia uma sei du'ut, uma meia parede no seidauk tau sumente.

Programa ida mós sei fó benefisia boot ba komunidade sira, nune’e iha fulan-dezembru komunidade sei hetan premiu foun, ne'e tama iha orsamentu ratifikativu, kada familia sei hetan $200.

“Oinsá mak ita fó kbi’it ba ita-nia komunidade sira menus ai-hán, uma ba sira ita atu fó apoiu degnidade ba sira”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter