Ministru Agrikultura no Peska (MAP), Pedro dos Reis hatete, nia parte orgullu tebes ho partisipasaun entidade hotu liliu Embaisadór Austrália nian, ne’ebé apoiu laboratóriu, tanba ne’e atu uza halo diagnóstika ba moras relevante sira ligadu ho animál.
Ba laboratóriu ne’e mós nu’udar susesu ida ba Ministériu Agrikultura no Peska, atubele fasilita liután servisu tékniku sira-nian.
Diretór Jerál MAP, Domingus Gusmão hatete, ho laboratoriu veternadriu, Ministériu Agrikultura no Peska liliu Diresaun Pekuaria no veternaria laiha problema atu detetak moras animal iha rai laran.
“Moras hanesan foin dadaun fahi sira mate ne'e iha mundu tomak, ita laiha vasina para halo vasinasaun so ita deteta de'it para halo seguransa ba haki’ak na’in sira oinsá ita eduka sira”, dehan nia.
Ba moras karau ne’ebé mosu iha Indonézia perigu mós ba ema nia vida no da’et hotu ba ema, tanba ne’e mak laboratóriu prepara hodi halo prevensaun, bainhira moras ne'e mosu bele atende lalais.
Embaisada Austrália iha Timor-Leste, William Castelo hatete, Austrália iha inisiativa apoiu dezenvolvimente iha setór agrikultura liga ba setór pekuária nian.
“Ha'u kontente tebes Austrália bele ajuda Timor-Leste atraves programa husi agrikultura vitória nian liga ba oinsá Timor-Leste bele responde ba moras”, dehan nia.
Ba programa ne'e ho kustu por volta millaun 1.3, tanba ne’e Austrália ho Timor-Leste servisu hamutuk durante tinan 2002 to’o agora tau importásia maka’as ba bio seguransa.
“Programa ne'ebé mak Governu Austrália suporta kona-ba atividade agrikultura lubuk ida ne'ebé mak liga ba agrikultór nian área sira ne'ebé sira kobre hanesan moras fahi”, afirma nia.
“Ita-nia relasaun ida-ne'e la’o atravez liña oioin, hatudu kompromisiu Governu Austrália nian la’o hela iha Timor-Leste”, hatete nia.
Serimónia lansamentu ne’e, hetan partisipasaun husi membru komisaun B Parlamentu Nasionál, Deputadu Mariano ‘Assanami’ Sabino no asina plaka husi Embaixadór Autrália ba Timor-Leste, William Castelo no Ministru MAP, Pedro dos Reis. (*)