Print this page

Governu Lansa Programa Sesta Bázika Daruak iha Aldeia Baia-Leste

Ai-han sesta bazika ne'ebe preparadu atu fahe ba komunidade sira iha Suku Komoro. Ai-han sesta bazika ne'ebe preparadu atu fahe ba komunidade sira iha Suku Komoro. Foto Tempo Timor

Tempotimor (Dili)-Governu liuhusi Ministru Turizmu Komérsiu Industria (MTKI), José Lucas do Carmo da Silva, lansa programa Sesta Bázika daruak ba rekuperasaun ekonomia nasionál komunidade iha Aldeia Baia-Leste, Suku Komoro, Postu Administrativu Dom Aleixo, Munisípiu Dili.

“Programa Aesta Bázika hanesan polítika VIII Governu konstitusionál nian ba rekuperasaun ekonomia nasionál, programa Sesta Bázika sei iha efeitu ba ema hotu multiplikadór (multiplier effect) ne'ebé boot ba industria primiriu, sekundáriu no terseiria iha rai-laran", dehan Ministru José, Suku Komoro, Aldeia Baia-Leste, sesta (17/06).

Programa sesta bázika hatudu katak ai-hán ne'ebé mai husi produtu lokál sira estimula tebes produsaun agrikola no aumenta agrikultór sira nia-rendimentu no haburas ekonomia familiar.

“Programa sesta bázika daruak nian produtu lokál no rai-lara, ministru rekoñese katak produtu balun husi rai li'ur, tanba ita-nia produtu rai laran la sufisiente, maibé produtu rai li'ur oituan deit”, esplika nia.

Ba produtu importasaun ne’ebé hatama ba sesta bázika hanesan, masi midar, produtu ejenia ninian, mina hodi tein, rinso no saboneti.

“Produtu ne'ebé benefisiar sira atu simu kompostu husi Karboidratu, proteinia, vitamina, produtu ejenia pesoál inklui feto nian”, informa nia.

Nune’e mós produtu karboidratu hanesan fós, batar, fehuk, produtu protwinas mak hanesan manu tolu, koto, fore, produtu vitamina mak hanesan modo tahan, repollu, brinjella, senora, tomate no lakeiru.

Pograma sesta bázika ne’ebé Governu lansa ho objetivu atu hadi'ak ekonomia nasionál ho haforsa ekonomia rai-lara no haforsa fortifika ai-han alimentar ninian.

“Ita hala'o programa sesta bázika ida-ne'e, rona laifuan ho hanoin barak husi entidade sira hotu, haree mós ba Estudu entidade sira-nia sesta bázika sai valór pozitivu ba komunidade sira”, afirma nia.

Tanba estimulasaun ne’e, oferta no prokura ba produtu lokál hodi haburas industria primária, sekundária no terseiria iha rai-laran, liuhusi karik osan iha rai-lara, hodi hadi'ak poder sosa.

Ministru José Lucas husu ba komunidade atu tau konsiénsia hodi fahe programa sesta bázika ho la'o di'ak, programa ne'e la'ós responsabilidade husi Governu de'it maibé komunidade hotu nia responsavel.

Tanba programa ne'e kontinuidade ho programa primeiru nian, agora ba segundu ronde ba distribuisaun sesta bázika, tuir baze legál iha dekretu-lei númeru 10/2022 nian.

“Mellora kreximentu ekonomiku haforsa ai-hán nian iha seguransa alimentar ba estimula produsaun ai-hán iha rai-laran, sirkusaun produtu lokál iha merkadu doméstiku”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items