Print this page

AEP-TL Konsidera MPM La ‘Preokupa’ Folin Kombustivel Sa’e

Diretór Asosiasaun Enjeñaria Petroleu Timor-Leste (AEP-TL), Noventino Fernandes Diretór Asosiasaun Enjeñaria Petroleu Timor-Leste (AEP-TL), Noventino Fernandes Foto Tempo Timor

Tempotimor (Dili)-Diretór Asosiasaun Enjeñaria Petroleu Timor-Leste (AEP-TL), Noventino Fernandes konsidera, Ministériu Petroleu no Minerais (MPM), la preokupa folin kombustivel ne’ebé kombustivel ne'ebé sa'e maka’as iha Timor-Leste.

“Ministru laiha vontade atu fó solusaun ba problema ne'ebé povu Timor tomak enfrenta kuaze metade tinan ona”, deklara Noventino iha kna’ar fatin, Taibesi, sesta (17/06).

Makse Dekretu-lei atribuisaun subsídiu kombustivel ba operadór transporte no rodaviáriu nian ne'ebé hetan ona aprovasaun husi Parlamentu Nasionál no Promulgadu husi Presidente Repúblika Sesnte, Francisco Guterres ‘Lú Olo’, iha loron 19 fulan-abril 2022 hodi bele responde preokupasaun públiku sira-nian kona-ba folin kombustivel ne'ebé sa’e iha merkadu ho nia impaktu husi funu entre Ukrania no Rusia.

“Maibé tuir observasaun Assosiasaun Enjeñaria Petroleo Timor-Leste (AEP-TL) katak Ministériu Petroleu e Minerasi (MPM) laiha seriedade ba kestaun folin mina kombustivel ne’ebé mak sa’e maka’as iha Teritoriu Timor-Leste, ate a data”, dehan nia.

Tanba ne’e AEP TL, haree Ministériu Petroleu no minerais laiha vontade di’ak atubele solusiona problema ne’ebé povu Timor-Leste enfrenta liliu folin kombustivel nian.

Entretantu dekretu-lei refere aprova kuaze fulan tolu ona, maibé seidauk iha nia implementasaun real nune’e dadaun folin kombustive kontinua sa’e maka’as to’o $1.47 kada litru.

“Iha ne'ebé fulan hirak liuba husi parte Assosiasaun rekomenda hakarak Governu tau Subsídiu ba folin Kombustivel ho tipu fó subsídiu ba Armajenamentu Kombustivel sira iha Timor nune’e husi Armajenamentu kombustivel hatun folin presu kombustive ba presu normal iha periodu ne’eba ita sei enfrenta hela impaktu ekonomia kombustivel mundial refere”, informa nia. (*)

Rate this item
(0 votes)
Last modified on Friday, 17 June 2022 15:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items