Tuir informasaun ne’ebé www.tempotimor.com asesu iha pájina MTKI, kuarta (15/06) katak, Vise Ministru Komérsiu no Indústria (V-MKI), Domingos Lopes Antunes, hanesan mós Prezidente CCIPI, lidera sorumutuk komisaun téknika kordenasaun estabelesimentu Parké Indústrial nian, iha Salaun Centru Convenção Dili (CCD), tersa (14/06).
Iha sorumutuk ne’e ekipa tékniku interministeriál ba Levantamentu rai lidera husi Diresaun Jerál Terras no Propriadade, reprezenta husi Diretóra Nasionál Kadastrais, Zenoveva Xavier Correia aprezenta rezultadu levantamentu rai nian ne’ebé mak hotu ona nomós aprezentasaun progresu estudu viabilidade parke Industrial iha Ulmera no Vatu-Vou, Munisípiu Likisá husi Diretór Nasionál Dezenvolvimentu Industrial, Fernando Lobato.
Iha enkontru ida ne'e, partisipa husi Carlos Lopes Ximenes (DGI), Florentina Smith (Assessora MKAE), Fernando Lobato (DNCI), no Administradór Munisípiu Likisá, Diretór Terras no Propriadades Munisípiu Likisá, Tito Nunes Serrão, reprezentante Sekretáriu Estadu Terras Propriedade, Diretór Promosaun Esportasaun Trade Invest, Décio Ribeiro no membru Komisaun Kordenasaun Estabelesimentu Parké Industriál. (*)