Print this page

SEKOOP Konsege Ezekuta OJE 2022 Pursentu 12 iha Trimetre Daruak

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Likisa)-Sekretáriu Estadu Kooperativa (SEKOOP) konsege ezekuta Orsamentu Jerál Estadu (OJE) 2022 ho pursentu hamutuk sanolu-resin-rua iha trimestrál daruak.

“Tinan ida-ne’e ba primeiru semester ezekusaun ki’ik liu segundu semester mós ita foin sa'e ba pursentu 12”, dehan Sekretáriu Estadu Kooperativa (SEKOOP), Elizário Ferreira iha Salaun Escravas da Santíssima Eucaristia e da Mãe de Deus (ESEMD), Tibar, Likisá, kuarta (15/06).

Ba semestre daruak ezekuta ki'ik liu tanba orsamentu ne’e aloka ba programa sesta bázika seidauk bele implementa, maske lansa ona, bainhira prosesu implementasaun la’o númeru ezekusaun sa’e.

“Maibé ninia baze ne'e iha ne’ebé?. Ita ne'e ezekuta tiha ita-nia osan Orsamentu Jerál Estadu millaun $4.5 ne’e hotu tiha mós sesta bázika la ezekuta nia nafatin de’it la book-an”, afirma nia.

Tanba ne’e foku ba Sesta Bázika maibé la kleur tan sei lansamentu ba primeira faze kuaze millaun 5-resin mak sei ezekuta.

Maske ho orsamentu ne’ebé aloka ba programa rekoperasaun ekonomia ne’e boot maibé SEKOOP kontinua husu ba parte hotu iha atu kontinua ezekusaun tuir lei. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items