“Pulsa Eletrisidade ita-nia konsumidór sira sosa ba ense iha sira-nia prepagu ne'e $10 hetan de'it mak $8.00, nian $2.00 ne'e ba iha ne'ebé e depois sira uza pulsa ne'e la to’o semana rua pulsa ne'e hotu lalais tiha de'it”, dehan deputadu Bankada KHUNTO, Luis Roberto, iha Parlamentu Nasionál, tersa (14/06).
Tanba dadaun ne’e sasán hotu iha folin ne’ebé sa’e depois povu sira mós susar atu hetan osan.
“Presiza Governu tenke tau matan hodi haree para hadi’a jestaun ida-ne'e se la’e mak ita-nia povu sira bele ita bele ukun-an tinan ruanulu (20) ona maibé ita-nia povu sira fila-an fali ba kotuk hodi tur nakukun hela”, deklara nia.
Ba komunidade sira ne’ebé dadaun ne’e utiliza hotu Eletrisidade ho prepagu ne’ebé presiza pulsa mak ahi bele lakan.
“Ita-nia povu sira ne'ebé kbi'it la’ek sira osan loron ida 5 centavos ou 10 centavos la hetan ne'e depois sira haknauk ba hola tan pulsa depois koa maka’as tan hanesan ne'e, ida-ne'e mak ha’u hakarak hato'o ba Governu, bele hato'o ba Ministériu relevante atu kontrola buat ne'e ho didi’ak”, afirma nia. (*)