Login to your account

Username *
Password *
Remember Me

ADB Aprezenta Projetu Fortalesimentu no Sustentabilidade Sistema Enerjétiku ba MOP

Ministru Obras Públikas (MOP), Abel Pires da Silva, enkontru ho ekipa husi ADB. Ministru Obras Públikas (MOP), Abel Pires da Silva, enkontru ho ekipa husi ADB. Foto Suplay

Tempotimor (Dili)-Konsultór Banku Dezenvolvimentu Aziátiku (ADB), William, ho nia ekipa aprezenta projetu fortalesimentu no sustentabilidade sistema enerjétiku ba Ministru Obras Públikas (MOP), Abel Pires da Silva.

Tuir informasaun ne’ebé www.tempotimor.com asesu iha pájina MOP, segunda (13/06) katak, aprezentasaun ne’ebé Ministru Obras Públikas, hetan akompaña husi Prezidente Eletrisidade Timor-Leste Empreza Públika (EDTL.EP), Paulo da Silva, estrutura EDTL.EP nian, iha salaun enkontru gabinete MOP, Kaikoli, Dili, kinta (09/06).

Ba Projetu Fortalesimentu no Sustentabilidade ba sistema enerjétiku EDTL nian, EDTL.EP planeia ona atu implementa liuhusi fundu ADB nian hodi implementa projetu sira mak hanesan projetu modernizasaun eletrisidade ne'ebé finansia husi ADB, konverte sentrál elétrika Hera ba LNG (Liquefied Natural Gas) ho hari’i 2 ho kapasidade 50MW solar power plant no Konstrusaun enérjia renovável hodi redúz kustu kombustível liuhusi loron-matan ho kapasidade 200 MW, anin ho kapasidade 50 MW no hidroelétriku (Ira lalaro) 1 ho kapasidade 27MW.

Tanba projetu hirak ne’e tuir estudu sustentável no sei redúz kustu subsídiu husi Governu liuhosi Orsamentu Jerál Estadu (OJE) ne’ebé kada tinan subsidia millaun $100 ba leten hodi sosa kombustível ba sentrál elétrika Hera no Betano. Orsamentu ne’e kada tinan sei aumenta ba beibeik bazeia ba folin kombustível iha merkadu mundiál.

Liuhusi aprezentasaun ne’e, Ministru Obras Públikas, Abel Pires hatene, projetu hirak ne’e interesente tebes no dezafia Prezidente EDTL.EP ho nia estrutura atu servisu maka’as liután oinsá realiza projetu hirak ne’e hodi halo redusaun ba orsamentu husi estadu ne’ebé kada tinan aumenta ba beibeik.

“Ita presiza duni halo redusaun, durante ne’e subsidiu milaun $100 ba leten, see ita hatún to’o millaun $50 hanesan ne’e di’ak ona. La’o lalais ho konversasaun ne’e hodi redúz tiha subsídiu estadu nian, ne’e bele justifika ona ita-boot sira halo servisu maka’as, sustentabilidade ne’e importante no kore-an husi subsídiu ne’e mós importante. Redus de’it subsídiu ne’e mós ita-boot sira susesu ona. Redusaun ki’ikoan de’it mós to’o ona, atu nune’e EDTL labele dependénsia demais ba subsísiu”, dehan Ministru.

Maibé husu ba konsultór ADB atu kontinua servisu ho lalais ho kualidade, no husu ba EDTL.EP atu hili opsaun ne’ebé sustentável hodi redúz gastus orsamentu ba kombustível no garante nafatin fornesimentu enérjia eletrisidade ba komunidade.

Tanba ne’e, parte EDTL.EP rasik sei halo esforsu no servisu hamutuk ho ADB hodi implementasaun projetu sira ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter