Login to your account

Username *
Password *
Remember Me

MOP Atribui Kompeténsia Foun ba IJE Normaliza Irrigasaun

Ministru Obras Públikas (MOP), Abel Pires da Silva, halo enkontru ho Ekipa husi IJE. Ministru Obras Públikas (MOP), Abel Pires da Silva, halo enkontru ho Ekipa husi IJE. Foto Suplay

Tempotimor (Dili)-Ministru Obras Públikas (MOP), Abel Pires da Silva, deside hodi atribuisaun kompeténsia ba Institutu Jestaun Ekipamentu, Institutu Públiku (IJE.IP) ne’ebé sei iha servisu hamutuk ho Ministériu Agrikultura no Peskas (MAP) normaliza irrigasaun ba natar sira.

Tuir informasaun ne’ebé www.tempotimor.com asesu iha pájina MOP, sábadu (11/06) katak, Ministru Abel Pires da Silva, akompaña husi Vise Ministru MOP, Nicolau Lino Freitas Belo, liuhusi enkontru konsellu konsultivu informa kona-ba atribuisaun kompeténsia ba IJE.IP hodi normaliza estrada no ponte, normaliza mós irigasaun ba natar sira.

Enkontru ne’ebé hala’o iha Gabinete MOP, Kaikoli, Dili, Ministru Abel hatete, ministériu iha obrigasaun atu tau-matan ba funsionáriu liliu tékniku sira iha IJP.IP hodi insentiva di’ak liután tékniku sira ba servisu atendimentu públiku liliu estrada, ponte, mota inklui kompeténsia foun kona-ba normalizasaun irigasaun sira, tanbe ne’e presiza buka dalan oinsá tau-matan ba nesesidade tékniku sira-nian.

Prezidente IJE.IP, Hermenegilda da Costa Laurenta, defende katak durante ne’e tékniku sira iha tereñu halo servisu maka’as loron no kalan maibé saláriu kontinua hanesan ho funsionáriu baibain, tanba ne’e, presiza iha insentivu hodi hodi insentiva tékniku sira servisu di’ak liután.

Iha enkontru ne’e partisipa husi membru Konsellu Konsultivu Ministériu Obras Públikas nian hanesan Diretór Jerál Administrasaun no Finansas (DJAF), Januário A. Barbosa, Diretór Jerál Obras Públikas (DJOP), Rui Hernani, Diretór Jerál Habitasaun no Urbanízmu (DJHU), Roger Tertuliano Belo, Unidade Apoiu Jurídiku MOP nian, Prezidente IJE.IP rasik ho vogál sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter