Tuir informasaun ne’ebé www.tempotimor.com asesu iha pájina MTKI, sesta (10/06) katak, iha loron tersa (07/06) enkontru ne’ebé halo ekipa Gabinete Prezidente Repúblika husu MTKI atu servisu hamutuk ba realizasaun eventu sira iha tempu badak.

Tanba ne’e, husu mós apoiu lojístika no finanseiru husi MTKI hanesan parte Governu nian nune’e ba realizasaun eventu refere la’o ho susesu iha tinan 2023 ne’e.

Iha Parte seluk Diretór Jerál Turizmu, Jelino Soares, agradese ba inisiativa husi parte Prezidénsia nian no MTKI prontu atu koopera ho instituisaun hothotu, partikularmente ba inisiativa Prezidente República nian ba eventu ida ne’e.

Iha biban ne'e MTKI mós relata kona-ba servisu ne’ebé ligadu ba dezenvolvimentu turizmu iha Hatubuiliku no Ramelau, ne’ebé dadaun ne’e la’o hela nune’e bele iha planu integradu entre parte rua no liña ministeriál ba eventu importante ida ne’e. (*)