Print this page

Taur Rekoiñese Timor-Leste Seidauk iha Kapasidade Kria Kampu Servisu

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak, rekoiñese Timor-Leste nu’udar nasaun ki'ik foin ukun-an liu tinan 20, seidauk iha kapasidade atubele kria kampu servisu (empregu) ba Joven no timoroan.

“Primeiru lugar ita apresia, sakrifisiu no dedikasaun ita-nia joven sira ne'ebé halo esforsu ba rai liur, hodi kontribui ba dezenvolvimentu ita-nia nasaun nian. Hanesan ita-boot sira hatene ita-nia nasaun foin nurak, foin 20 anos, laiha kapasidade para kria empregu ba ita-nia joven sira hotu”, dehan Taur hafoin finaliza enkontru semanál ho Prezidente Repúblika, José Ramos Horta iha Palásiu Prezidensiál Bairopite, kinta (09/06).

Ho preokupasaun ida ne'e estadu mós buka hela dalan atu hetan Empregu ba sira iha rai liurpiuhus parseria Governu Korea, Austrália, nomós sei haree hela fatin seluk buka esplora oportunidade seluk hanesan iha Inglaterra ke proinisiativa sira iha ne'ebá, Irlánda no Japaun inklui iha fatin seluk tan.

Tanba ne'e, Governu apresia ba inisiativa traballadór timoroan sira-nia no promete sei halo esforsu para kontinua apoiu nafatin joven sira, tanba realmente ne'e la'ós fasil, sira ba husik hela nia rai ne'ebé nia moris ba nomós husik hela nia família sira.

“Ha'u hanoin sira ita-nia eroi ne'e, sira fó kontribuisaun ba ita-nia dezenvolvimentu maka’as loos ba ita-nia nasaun”, esplika Taur.

Aleinde haree ba kontribuisaun sira iha tinan 2021, komunidade sira iha rai liur kontribui ona millaun $121, hodi ajuda kresimentu ekonómiku no ajuda mós kombate ki’ak no mukit iha sosiedade sira-nia let.

Ba kontribuisaun hirak ne'e mak automtikamente Governu sei kontinua halo esforsu hodi servisu maka’as atubele tau matan ba traballadór sira iha rai liur. (*)

Rate this item
(1 Vote)
Last modified on Thursday, 09 June 2022 16:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items