Login to your account

Username *
Password *
Remember Me

Xefe Suku Rekoñese Komunidade Tabere Gasta Osan Privadu ba Instalasaun Eletrisidade

Xefe Suku Letemumo, Paulo Morreira Soares. Xefe Suku Letemumo, Paulo Morreira Soares. Foto Suplay

Tempotimor (Dili)-Xefe Suku Letemumo, Paulo Morreira Soares rekoñese, Komunidade sira iha Aldeia Lebenei área Tabere, husi Suku Letemumo, Postu Administrativu Kelikai, gasta osan privadu hodi sosa fiu eletrisidade ba instalasaun iha sira-nia uma.

“Ne'e loos e ai-rin sira ne’e apoiu husi EDTL ai-rin tuan fiu liña jerál ne’e ho fiu apoiu rua, depois komunidade sosa rasik fiu husi ai-rin ba uma e depois halo instalasaun iha uma laran ne’e komunidade mak sosa rasik ida ne'e loos”, dehan Xefe Suku Letemumo, Paulo Morreira Soares ba www.tempotimor.com liuhusi telefone tersa (07/06).

Alende ne’e parte ekipa Tékniku husi Eletrisidade de Timor Leste (EDTL) sukat tan iha área Tabere ba to’o iha Suku Makalaku maibé sei presiza tan pedidu molok kontinua halo instalasaun ba liña eletrisidade iha área refere.

“E depois EDTL mai ona sukat husi Tabere tun ba Defada’e área Suku Makalaku nian sira sukat tiha ona mais dehan komunidade sira tenke hatama tan fali pedidu be sira sei prepara hela pedidu”, hatutan nia.

Ba Deputadu husi Parlamentu Nasionál ne’ebé mak levanta problema komunidade sosa rasik fiu hodi instala eletrisidade iha nia uma rasik ne’e loos no klaru.

“Ne'e loos duni Deputadu sira levanta iha Parlamentu Nasionál”, afirma hakotu.

Antes ne’e iha, Deputadu Bankada Partidu Libertasaun Popular (PLP), Noe Da Silva ‘Buka Tuir’, kontra Deputada Bankada CNRT, Veneranda Lemos, ne’ebé deklara Populasaun iha Aldeia Tabere, Suku Letemumo, Postu Administrativu Kelikai, Munisípiu Baukau, dada rasik eletrisidade ba uma.

“Ha'u atu halo loos tiha kestaun ida Eletrisidade, ha'u nuudar kelikai oan ha'u hatene sé mak dada Eletrisidade iha Kelikai ne'e ha'u hatene. Eletrisidade ne'ebé mak dada iha Tabere ne'e estadu mak dada iha 2019, laiha komunidade ida mak dada eletrisidade direita satan nia la kompriende eletrisidade”, dehan nia iha plenária Parlamentu Nasionál, segunda (06/06).

Tanba deklarasaun ne'ebé mak Deputada husi Bankada CNRT fó sai iha loron 26 fulan-abril 2022, dehan komunidade husi Aldeia Tabere Suku Letemumo, Postu Administrativu Kelikai, Munisípiu Baukau, sosa mesak fiu dada ahi eletrisidade ho au, ikus Governu ba monta prepagu de'it.

Ho deklarasaun ne'e Bankada PLP konsidera ne'e hanesan politizasaun ida tanba imajinasaun dehan populasaun ba sa'e iha riin Eletrisidade hodi dada rasik ahi ba nia uma ne'e seidauk akontese iha Postu Kelikai.

“Se deputadu ohin ne'ebé mak levanta kestaun ne'e ita-boot sira bele sa'e took ba eletrisidade ne'e ha'u bele fiar ida ne'e, lójika ne'e iha ne'ebé”, hatete nia.

Tanba ne'e laloos bainhira komunidade mak dada rasik eletrisidade depois ekipa Eletrisidade Timor-Leste (EDTL) ba monta fali prepagu ne'e laloos.

“Ne'e mak bolu naran politiza aktu Governu, loloos mak ahi ne'e Estadu e Governu mak dada. E eletrisidade sira tau ba prepagu ne'e sira utiliza ona durante tinan tolu ho gratuitamente ne'e ita ajuda ona komunidade eh Governu iha razaun atu monta prepagu”, afirma nia.

Maibé Deputada Veneranda Lemos hatete informasaun ne'ebé mak nia fó sai iha plenária ne'e la’ós inventa maibé ne'e mai direta husi autoridade lokál sira tanba ne'e nia sei defende kestaun ida ne'e.

“Ha'u dala ida tan atu hatete kona-ba eletrisidade ha'u ko'alia nafatin tanba informasaun mai husi Xefe Suku rasik ne'ebé se ita ne'eba nia oan duni, ita-boot nele defende, ha'u mós defende nafatin tanba ne'e mai husi autoridade lokál, ha'u mós la inventa”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter