Print this page
Ekonomia

MOP ho Administradór Covalima Diskute Separasaun Servisu BTL.EP no SMASA

By June 06, 2022 661
Ministru Obras Públikas (MOP), Abel Pires da Silva, akompaña husi Prezidente BTL.ep, Carlos Peloi dos Reis, enkontru ho Administradór Munisípiu Covalima, Francisco de Andrade, no téekniku. Ministru Obras Públikas (MOP), Abel Pires da Silva, akompaña husi Prezidente BTL.ep, Carlos Peloi dos Reis, enkontru ho Administradór Munisípiu Covalima, Francisco de Andrade, no téekniku. Foto Suplay

Tempotimor (Dili)-Ministru Obras Públikas (MOP), Abel Pires da Silva, akompaña husi Prezidente Bee Timor-Leste, Empreza Públika (BTL.EP), Carlos Peloi dos Reis, enkontru ho Administradór Munisípiu Covalima, Francisco de Andrade, hodi diskute separasaun servisu entre BTL.EP hafoin transformasaun husi Diresaun Jerál Água no Saneamentu (DJAS) ba Empreza Públika ho Servisu Munisipál, Água, Saneamentu no Ambiente (SMASA) iha Munisípiu Covalima.

Tuir informasaun ne’ebé www.tempotimor.com asesu segunga (06/06) katak, iha diskusaun ne'e ko'alia liu kona-ba armajen BTL.EP husi DJAS ne'ebé funsionáriu SMASA munisípiu Kovalima nian seidauk entrega hodi prezudika servisu tékniku BTL.EP nian iha munisípiu refere.

Ministru Obras Públika husu atu autoridade munisípiu Kovalima kolabora hodi fasilita servisu BTL.EP nian, tanba ne'e, liuhusi enkontru ne'e konsege hetan solusaun no Administradór munisípiu Kovalima sei husu funsionáriu SMASA hodi entrega xave armajen nian ba BTL.EP hodi kontinua halo servisu melloramentu ba sistema bee-moos iha Kovalima.

BTL.EP no SMASA sei kontinua servisu hamutuk, kolabora malu, apoiu servisu sira hodi lori bee-moos ba komunidade.

Tuir lei, BTL.EP toma konta sistema bee-moos iha kapitál nasionál, munisípiu to'o kapitál postu administrativu sira, SMASA mak toma konta ba bee-moos iha área rurál kada munisípiu nian.

Enkontru ne'e realiza hafoin Ministru Obras Públikas akompaña husi Sekretáriu Estadu Ambiente, Prezidente BTL.EP ho tékniku sira inaugura projetu reabilitasaun sistema bee-moos iha suku Nanu, Postu Administrativu Fatumea, Munisípiu Kovalima. (*)

Rate this item
(0 votes)
Last modified on Monday, 06 June 2022 15:44
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items