Login to your account

Username *
Password *
Remember Me

IFC Aprezenta Estudu Prelimináriu Implementasaun Projetu Enerjia Renovavel ba MOP

Ministru Obras Públikas (MOP), Abel Pires da Silva, hala’o enkontru ho ekipa International Finance Corporation (IFC). Ministru Obras Públikas (MOP), Abel Pires da Silva, hala’o enkontru ho ekipa International Finance Corporation (IFC). Foto Suplay

Tempotimor (Dili)-Reprezentante Rezidente Kooperasaun Finanséira Internasionál (International Finance Corporation-IFC) iha Timor-Leste, David Freedman, aprezentasaun dadus preliminária husi IFC kona-ba enérjia renovável ba Ministru Obras Públikas (MOP), Abel Pires da Silva, iha gabinete MOP, Kaikoli, Dili, kinta (02/06).

Tuir informasaun ne’ebé www.tempotimor.com asesu iha pájina MOP, sesta (03/06) katak, Ministru Obras Públikas (MOP), Abel Pires da Silva, akompaña husi Prezidente Eletrisidade Timor-Leste Empreza Públika (EDTL.EP), Paulo da Silva, no Prezidente Autoridade Nasionál Eletrisidade Institutu Públiku (ANE.IP), Ruben Jerónimo Freitas, hodi rona aprezentasaun husi IFC.

Planu kona-ba enérjia renovável hodi responde ba situasaun atuál ne’ebé mundu tomak enfrenta kona-ba folin mina sa’e maka’as iha merkadu internasionál, tanba ne’e, presiza esplora di’ak liután poténsia ne’ebé Timor-Leste iha ba utilizasaun enérjia renovável (Uzina eólica).

Liuhusi enkontru ne’e deside sei asina nota entendimentu (Memorandum of Undestanding-MoU) entre IFC ho ANAS.IP no EDTL.EP hodi halo identifikasaun fatin potensiál sira ba projetu enérjia renovável, tanba ne’e ANAS.IP sei halo estudu ba poténsia ne’ebé iha.

IFC hakarak aselera prosesu identifikasaun hodi hetan dadus ne’ebé kle’an no ho kualidade ba kontinuasaun projetu refere.

Iha ne’e, IFC mós prontu apoiu liuhusi Banku Mundiál ba projetu refere bainhira iha ona estudu ne’ebé kualidade hodi garante implementasaun projetu ne’e ho di’ak.

Enkontru ne’e partisipa mós husi Vise Prezidente EDTL.EP no ekipa husi IFC. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter