Login to your account

Username *
Password *
Remember Me

MTKI ho UNDP Entrega Prémiu ba Manán Na’in Kompetisaun Negósiu Inovativu II

Ministru Turizmu Komérsiu no Indústria, (MTKI), José Lucas do Carmo da Silva, entrega hela Premiu ba manán na’in Kompetisaun Negósiu Inovativu II. Ministru Turizmu Komérsiu no Indústria, (MTKI), José Lucas do Carmo da Silva, entrega hela Premiu ba manán na’in Kompetisaun Negósiu Inovativu II. Foto Suplay

Tempotimor (Dili)-Ministériu Turizmu Komérsiu no Indústria (MTKI), hamutuk ho parseiru United Nations Development Programme (UNDP) entrega Prémiu kompetisaun Negósiu Inovativu II MTCI-2022, ba manán na’in sira ne'ebe kompete ona iha kompetisaun Negósiu Inovativu II MTKI, 2022, iha Sentro Konvensaun Dili (CCD), kinta-(02/06).

Tuir informasaun ne’ebé www.tempotimor.com asesu iha pájina MTKI, sesta (03/06) katak, iha faze Semi-finál ba Kompetisaun ne’e halo ona selesaun ho rigourozu husi kandidatu Jovens Inovativu na’in-25 husi panelista tolu, ne’ebé kompostu husi MTKI, Embaixada Nova Zelándia no Instituto de Apoio ao Desenvolvimento Empresarial (IADE).

Ba rezultadu finál husi selesaun ne’ebé deside ona tuir kompozisaun valór husi ekipa juri, anúnsiu na’in-sanulu (10) mak passa ba faze finál.

Iha faze finál juventude husi grupu tolu mak liu iha sesaun ikus nian tanba sira ho ideia ne’ebé kreativu no inovativu liu iha kompitisaun refere.

Kompetisaun Inovativu ne'e, nia objetivu atu enkoraja joven emprendedorizmu sira hodi hamosu idea diferente, úniku no inovativu relasiona ho negósiu sosiál husi setór sira hanesan, agrikultura no peskas, turizmu, manufatureira, produsaun ai-hán, teknolojia nomós setór sira seluk ne’ebé iha valór ekonómiku aas hodi kontribui no solusiona problema iha komunidade no Promove Abilidade ba Futuru, Hari’i no Haforsa Empreza Foinsa’e Sira hodi Kontribui ba Dezenvolvimentu Sustentavel.

Nune’e, assegura soberania Ekonómia liuhusi aumenta produsaun lokál, kria oportunidade empregu no aumenta rendimentu família.

Ministru Turizmu Komérsiu no Indústria, (MTKI), José Lucas do Carmo da Silva hatete, Governu tau importansia tebes ba foinsa'e sira no eventu ne'e tanba foinsa'e sira mak futuru nasaun nian no ajente transformadór setór hothotu iha Nasaun ne'e.

“Governu mós nafatin haforsa no hariku juventude sira-nia talentu tuir Konstituisaun RDTL artigu 19”, dehan Ministru José Lucas.

Iha serimónia enseramentu ba kompitisaun ne'e akompaña mós husi Vise-Ministru Komérsiu no Indústria (V-MKI), Domingos Lopes Antunes, partisipa iha atividades refere, Prezidente CCI-TL Oscar Lima, CEO-BNCTL Brigidio de Sousa, Munkhtuya Altangerel, Lazima Okta, DN-AMPMES Bernadino Menezes, Rui Castro, nomós foinsa'e sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter