“Ha'u mós hakarak hatete katak USAID mós iha ne’e kleur tebes ona desde 2001. E desde 2001 ami fó ona apoiu liu millaun atustolu-limanulu ($350) ba ajuda Dezenvolvementu Timor-Leste nian”, dehan nia hafoin audénsia ho Prezidente Repúblika, José Ramos Horta iha Palásiu Prezidensiál, Bairopite, sesta (03/06).
Husi apoiu ida ne'e, sira foku liuba programa rua iha Timor-Leste nia, kresimentu ekonomika no divertifikasaun ekonomika, no ida seluk mak Governasaun nomós apoia hametin sistema saúde.
“Iha ami-nia programa ida kona-ba kresimentu ekonomika ka divertifikasaun ekonomia ezemplu di’ak ida mak ami halo ona lansamentu horseik (02/06) atividade tinan 3 nian, ba ami ne’ebé atu apoiu autoridade Auduneiro sira atu hadi’a di’ak liután sira-nia servisu nomós atu hafasil ema rai liur hatama sasán. Sistema ne’e apoia atividade sai transparante di’ak liután”, informa nia.
Ho apoiu hirak ne'e mak Embaisadór EUA no Diretora Misaun USAID iha Timorr-Leste, Zema Semunegus, deside hasoru malu ho Prezidente Repúblika, José Manuel Ramos Horta atu diskute asuntu importante ida mak igualidade jeneru.
Tanba Prezidente Repúblika rasik mós hatete asuntu igualdade jeneru ne’e importante tebes atu EUA ho doadór sira seluk inklui parseiru dezemvolvementu sira atubele apoiu programa ida ne’e, hadi’a situasaun ekonomia feto sira-nian nomós halo sira bele rejielente liután. (*)