Login to your account

Username *
Password *
Remember Me

Horta Hakarak CCT Esforsu Loke Kafetária iha Estranjeiru

Diretór Jerál CCT, Xisto Moniz Piedade. Diretór Jerál CCT, Xisto Moniz Piedade. Foto Suplay

Tempotimor (Dili)-Prezidente Repúblika (PR), José Ramos Horta hakarak, Coopertiva Café Timor (CCT) hala'o esforsu maka’as atubele loke kafetária iha Estranjeiru sira, nune'e bele promove kafé orgániku Timor nian iha futuru.

“Prezidente Repúblika hakarak liliu CCT promove kafé Timor ba merkadu hanesan loke kafetária iha rai-li’ur”, dehan Diretór Jerál CCT, Xisto Moniz Piedade, hafoin audénsia ho PR Horta iha Palásiu Prezidensiál, Bairropite, kuarta (01/06).

Tanba produtu kafé ne'ebé Timor-Leste prodúz bele ba promove iha nasaun sira hanesan Malázia no Singapura nune'e iha futuru nele hasa'e mós produsaun kafé Timor.

Aleinde Loke Kafetária iha Rai liur, Prezidente Repúblika husu atu asegura nafatin sustentabilidade ida ne’e liuhusi hasa’e produsaun kafé iha rai laran tanba kafé barak nia hun tuan ona entaun presiza renova no kuda foun.

Ho situasaun hirak ne'e, CCT mós rekoiñese dadauk kafé barak mak tuan ona no balun komesa kona moras ho mós iha mudansa klimátika, kafé ninia produsaun menus nune’e presiza iha tratamentu, tanba kafé uluk iha tempu portugés tonelada rihun-20 maibé agora to’o de’it tonelada rihun neen (6) iha esportasaun kada tinan.

Nune’e, CCT hanoin katak dahuluk presiza hasa’e produsaun tanba produsaun la to’o, ida ne'e mós bele fó impaktu atu promove kafé iha rai-li’ur.

Tanba derrepente ema husu kafé mak laiha, ida ne’e atu halo oinsá entaun parte CCT ho Governu servisu fó ideia hodi hasa’e produsaun.

Iha tinan 2021, CCT esporta kafé hamutuk tonelada 350, barak liu ba nasaun Amérika, tuir mak Austrália ho Nova Zelándia, enkuantu iha tinan 2022 produsaun menus entaun nia alvu sei sosa kafé tonelada rihun-10 to’o 12 hosi agrikultór sira, maibé depende produsaun nune’e bele esporta to’o tonelada 160.

Dadauk presu kafé sai nafatin preokupasaun ba agrikultór kafé na’in no dalabarak la motiva sira entaun hanoin presiza determina presu sira ho justu.

Durante enkontru ho Prezidente mós ko’alia presu kafé maibé ida-ne’e depende ba merkadu mundiál ne’ebé mak sira iha hodi sosa husi argikultór sira ne’ebé kada kilograma agora ho sentavu 41. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter