Tuir informasaun ne’ebé www.tempotimor.com asesu iha pájina MTKI, kuarta (01/06) katak, aprezentasaun ne’ebé halo iha loron tersa (31/05), Director Executivu Jeremiah Chan hatete, iha aprezentasaun ne’e fó informasaun klean kona-ba dezeñu ba projetu ne’ebé sei implementa iha área Tasitolu.

“Ohin ami mai atu halo aprezentasaun pelican paradise, atu fó informasaun klean kona-ba dezenu ne’ebé pelican paradise ajuda halo ba Governu Timor-Leste ba projetu ne’ebé sei implementa iha Tasitolu, tuir pelican nia planu, projetu ne’e sei implementa iha fulan-novenbru ba faze primeiru sei hahú konstrusaun ótel fitun lima no apartament”, afirma nia.

Ministru Turizmu komérsiu no Industria, José Lucas do Carmo da Silva, mós agradese tebes ba empreza pelican paradise ne’ebé halo kooperasaun di’ak ho Governu hodi dezeñu fatin turizmu, no tenpu badak sei implementa projetu ne’e iha Tasitolu.

Alende ne’e mós ministru hato’o pedidu ba pelican, kona-ba kustu konstrusaun jardin nian hodi bele aselera prosesu ne’e ho lalais.

Partsipa iha enkontru ne’e Diretór ezekutivu Centro Nasionál Chega (CNC), Hugo Maria fernades, Diretór Jerál Turizmo, Jelino Soares, no ekipa husi pelican paradise. (*)