Tanba ne’e, iha loron 31 fulan-maiu 2022, Estudante husi Universidade Nasionál Timor Lorosa’e (UNTL), hasoru malu ho Ministru Turizmu Komérsiu no Indústria, José Lucas do Carmo da Silva, iha Salaun enkontru MTKI, Bebora, hodi konvida Ministru atu sai Oradór iha Selebrasaun Loron Mundiál OCEAN ho matéria Polítika Nasionál Dezenvolvimentu Setór Turizmu Marítima.

Iha enkontru ne’e, Ministru José Lucas do Carmo da Silva, disponível no prontu atu sai Oradór ba Selebrasaun Loron Mundiál refere.

Ba Loron Mundiál OCEAN ka loron mundiál tasi komemora kada loron 8 fulan-juñu, tanba ne’e hanesan loron ne’ebé selebra husi nasaun sira iha mundu inklui mós Timor-Leste. Loron Mundiál OCEAN dahuluk hala’o iha tinan 1992, iha tempu ne’ebá akontese iha eventu Earth Summit ne’ebé iha fatin Rio de Janeiro-Brazil.

Hafoin iha tinan 2008, legaliza husi orghganizasaun Nasaun Unidas sira no selebra hanemsan loron Mundiál OCEAN husi naaun sira iha Mundu.

Selebrasaun loron mundiál Ocean mós konsidera hanesan momentu importante atu fó hanoin filafali ba komunidade sira kona-ba umportansia asegura no prezerva animál sira iha tasi laran.

Tanba selebrasaun ne’e mós baibain utiliza husi komunidade sirra ne’ebé hadomi ambiente atu hala’o asaun proteze tasi ka hamos lixu pastiku sra iga tasi ibun. Nune’e, atu fó hanoin ba komunidade sira bainhira soe lixu labele ba tasi ibun, maib’e iha foer fatin ne’ebé prepara.

Maibé asaun komunidade sira durante nee sei menus liu no kontinua soe foer iha tasi ibun no tasi laran, ho ida ne’e mak tasi ibun dala barak nakonu ho lisu plastiku ne’eb’e fó impaktu ba animál sira iha tasi laran. (*)