Tuir informasaun ne’ebé www.tempotimor.com asesu iha pájina MTKI, tersa (31/05) katak, Diresaun Jerál Indústria (MTKI), liuhusi Diresaun Nasionál ba Apóiu Dezenvolvimentu Mikro Pequenas no Médias Emprezas (ADMPME), hamutuk ho ekipa Komissaun Patrimóniu Kultural Immaterial (PKI), hala’o Formasaun no Kapasitasaun ba Jestaun Negósiu Soru-Nain, liliu ba Feto Foinsa’e sira.

Formasaun ne’ebé realiza iha Centro Indústria, Matadoru, Díli ne’e ho objetivu oinsá atu dezenvolve sira-nia negósiu ho di’ak nune’e bele hetan rendimentu ne’ebé sustentável.

Ministru MTKI, José Lucas do Carmo da Silva, ofisialmente halo abertura ba formasaun refere ne’ebé akompaña mós husi Prezidente Patrimóniu Kultural Immaterial, Manuel Smith, Chief of Party (COP, USAID’s TFA), Peter Semone, Diretór Jerál Indústria, Carlos Lopes Ximenes, no Diretór ADMPME, Bernadino Menezes.

Ba Formasaun refere sei hala’o durante loron haat (4), hahú husi loron 30 fulan-maiu to’o loron 04 fulan-Juñu 2022. (*)