Tuir informasaun ne’ebé www.tempotimor.com asesu husi pájina AIFAESA, segunda (30/05) katak, inspesaun ne'e hala'o iha Merkadu Taibessi, Largo Lesidere no Elemloi, etertantu kontrolu ne'e hala'o durante loron 2, husi loron 26 to'o 27 iha fulan maiu.
Asaun ne'e ekipa konjuta konsege prende tabaku ilísitu iha Merkadu Taibessi no Largo Lesidere hanesan joker matahari plastiku 576, tembakau aroma plastiku 79, surya slop 44, masu 126 no lulun 41, tembakau shek plastiku 16, tembakau pohon sagu 388, arrow black slop 30, masu 101 no lulun 82.
Enkuantu iha Elemloi ekipa operasionál prende tabaku ilegál iha loja 3 mak hanesan Sale Bazar, Al Modina Enterprise, Lili Shop, ho tabaku arrow black masu 81 no surya slop 7 no masu 8.
Ba infratór sira, AIFAESA sei prosesa tuir Dekretu Lei númeru 14/2016 de 8 de Juñu ne’ebé iha durante ne’e. (*)