Tuir informasaun ne’ebé www.tempotimor.com asesu husi pájina AIFAESA, segunda (30/05) katak, Intervensaun ne'e, ekipa inspetór sira fiskaliza nesesidade bazíka sira hanesan fós, mina, trigu, masin-midar no seluk tan hodi atualiza inormasaun kona-ba presu produtu sira iha fulan maiu nia laran.
Ba atividade ne'e ho objetivu atu responde ba prekupasaun konsumidór sira-nian, relasiona ho folin sasán ne'ebé kuaze fulan hira ona sa'e, hahú kedas husi nasaun orijin ne'ebé sempre importa sasán mai Timor-Leste.
Enkuantu ba espekulasaun folin to'o oras ne'e AIFAESA sidauk iha identifikasaun ba asaun refere no konsidera folin sasán sa’e husi nasaun importadór sira. (*)