Tuir informasaun ne’ebé www.tempotimor.com asesu husi pájina ofisiál MOP katak, publikasaun dokumentu kona-ba konkursu públiku ba projetu estrada munispál Uaiaka-Kelikai-Ossu fó sai iha loron 24 fulan-maiu no ba projetu estrada munisipál Laga-Baguia publika iha loron ohin 27 fulan-Maiu 2022.
Antes ne'e, projetu munisipál rua ne'e hafoin hetan aprovasaun iha Konsellu Administrasaun Fundu Infraestrutura (KAFI) Ministru Obras Públikas (MOP), Abel Pires da Silva, aprezenta ona ba Konsellu Ministru no hetan ona autorizasaun husi Konsellu Ministru para loke prosesu konkursu internasionál ba projetu rua, tanba ne'e CNA konsege publika ona konkursu públiku ba projetu refere.
Bainhira hetan ona manán na'in iha prosesu konkursu públiku ne'e, Governu liuhusi Ministériu Obras Públika sei implementa tuir kontratu ne'ebé iha.
Ministru Obras Públikas no Vise Ministru MOP hamutuk ho dirijente no tékniku sira kontinua servisu maka'as, halo koordenasaun ba implementasaun projetu infraestrutura sira. (*)