“Ha’u ho ekipa mai halo aprezentasaun ba Prezidente Repúblika fó informasaun kona-ba prosesu tomak relasiona ho negosiasaun no futuru inplementasaun ba inisiativa projeitu MCC nian iha Timor-Leste”, dehan nia hafoin hala’o audénsia ho PR Horta iha Palásiu Prezidensiál, Bairropite, sesta (27/05).

Tanba proposta implementasaun Projetu MCC ne’ebé mak Timor-Leste sei implementa iha futuru ne’e hetan ona aprovasaun husi board government husi EUA.

Husi projetu ne’e rasik sei finansia ho orsamentu ho montante millaun $420 no Timor-Leste millaun $64. Enkuantu projetu refere sei foku liuba bee-moos no saneamentu, drainajen inklui mós seit’or edukasaun.

“Bainhira asina ona projetu ne’e durasaun to’o tinan lima’, hatete nia.

Tanba ne’e, prosesu sira ne’e hotu informa ba Prezidente Repúblika, José Ramos Horta, hodi hatudu esforsu Governu nian atubele tau atensaun no interese ne’ebé boot ba asuntu relasaun internasionál. (*)