Login to your account

Username *
Password *
Remember Me

AOB Husu Governu Hatur Lolos Lei Merkadu Livre

Prezidente Soseidade Sivil AOB, Augosto Pires, ko'alia hela ba mídia iha nia kna'ar fatin vila nova Baukau, kinta (26/05). Prezidente Soseidade Sivil AOB, Augosto Pires, ko'alia hela ba mídia iha nia kna'ar fatin vila nova Baukau, kinta (26/05). Foto Tomas Freitas

Tempotimor (Baukau)‐Sosiedade Sivil, Asosiasaun ONG Baukau (AOB), husu, Governu atu hatur lolos lei merkadu livre, tanba iha Timor laran, sidadaun estranjeiru sira barak mak loke fali kios hanesan ho timoroan sira.

Prezidente Soseidade Sivil AOB, Augosto Pires, hatete, kuaze nasaun evoloidu sira uza lei merkadu livre, maibé iha nia difinisaun no limitasaun.

Maibé, iha Timor-Leste laiha limitasaun no difinisaun ba merkadu livre, entaun kria preukupasaun ba emprezáriu lokál sira.

"Ita nia Governu haree didi'ak lei (merkadu livre) atu labele taka dalan ba ita nia ema sira, sé nia mai ho investimentu boot, Governu la aloka ba fatin boot ruma loke banku fó kréditu, ema mai direitamente ba loke kios sira ne'e mai ho millaun 10 ida bele loke kios iha Munísipiu 13 ne'e, Timoroan ba ne'ebé," dehan nia iha kna'ar fatin vila nova Baukau, kinta (26/05).

Tuir observasaun ne'ebé sosiedade sivil nota, negósiu iha Munísipiu Baukau, mosu ona infiltrasaun husi emprezáriu estranjeiru , liu-liu Xineza, ne’e fó ameasa boot ba empreza lokál Baukau oan, tanba investe ho fundus ne'ebé boot, maibé fa’an fali prondutu ne'ebé hanesan.

Nune'e, Governu presiza haree lei merkadu livre atu regula emprezariu estranjeiru labele loke negósiu loke kios no loja.

"Governu no liu-liu Parlamentu tenke revé fali lei kona-ba negósiu livre, ita haree, negósiu livre ne'e ba saída nian, ita bele ko'alia kona-ba merkadu livre, maibé iha nian limete, la'os merkadu livre ne'ebé sira fa’an aikose daun la'e," nia hatete

Situasaun ne’e, sosiedade sivil mós sei sai porta voz hodi halo advokasia ho estadu, nune'e bele reve fali lei merkadu livre atu fó limitasaun ba estranjeiru sira tama iha Timor investe ba buat seluk, labele loke kios no loja, tanba Xineza tama ona iha Timor, okupa negósiu ki’ik fó impaktu boot ba empreza lokál sira.

Nune’e, husu Prezidente Repúblika, José Ramos Horta atu atensaun ba asuntu refere, halo koperasaun ho Governu atu hadi'a. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter