Print this page

Pradet Baukau Apoiu Fundus ba Benefisiáriu 143

Responsavél programa rejiaun leste, servisu Pradet Baukau, Joana da Costa, ko'alia hela ba mídia iha kna'ar fatin Tirilolo Baukau, kinta (26/05). Responsavél programa rejiaun leste, servisu Pradet Baukau, Joana da Costa, ko'alia hela ba mídia iha kna'ar fatin Tirilolo Baukau, kinta (26/05). Foto Tomas Freitas

Tempotimor (Baukau)‐Hahú tinan-2019 to’o 2022, Uma Hakmatek Pradet Baukau, apoiu ona fundu negósiu ki'ik nian ba benefisiáriu hamutuk na'in-143 iha Munísipiu Baukau, Vikeke no Lautém.

Responsavél programa rejiaun lesta, servisu Pradet Baukau, Joana da Costa, hatete, kada tinan sempre fó apoiu ba benefisiáriu sira ba negósiu ki'ik hodi sustenta vida ekonómia uma laran.

"Duranre ne'e, fatin hakmatek Baukau apoiu ona benefisiáriu hamutuk 143 ne'e ba faze dala-6 ona, benefisiáriu sira ne'e kobre husi Munísipiu tolu, husi Baukau, Lautém no Vikeke," dehan nia iha kna'ar fatin Tirilolo Baukau, kinta (26/05).

Kada benefisiáriu hetan fundus husi montante US$250 to’o 300, maibé depende ba tipu negósiu ne'ebé sira hili.

Benefisiáriu ne'ebé atu hetan fundus tuir kritériu, difisiensia, família vuneravel, inklui feto faluk no divórsiu.

Tuir planu, fulan-setembru tinan-2022 sei fó oprtunidade ba benefisiáriu foun hamutuk na'in-25 to'o 30, maibé fó mós oportunidade ba esklente sira ne'ebé asesu ona iha fatin hakmatek Baukau, liuhusi apoiu re-ajudus, tanba benefisiáriu ne'ebé hetan ona fundus hodi loke negósiu ki'ik antes ne'e, hatudu progresu di'ak.

"Rezultadu di'ak tebes, ami reforsa nafatin sira ho re-ajudus osan oituan atu reforsa liu sira nia atividade ne'ebé dadaun sira hala'o hela, tuir planu ita sei nafatin apoiu orsamentu montante hanesan, tanba orsamentu ida ne'e, setup ona tuir númeru kliente sira ne'ebé ita identifika atu bele hetan," nia hatete

Enkoraja benefisiáriu sira, atu mantein uza fundus ba atividade negósiu nian ho di'ak, nune'e labele lakon fiar no labele taka dalan ba maluk ne'ebé seidauk hetan apoiu, tanba fundus refere, apoiu husi União Européia.

Nune'e, benefisiária Maria Imaculada Perreira, hatete, fundus ne'ebé União Européia liuhusi Uma Kakmatek Pradet Baukau fó apoiu, maske ho montante ki'ik, maibé bele responde ona ba problema nesesidade nian.

Enkuantu fundus ne'ebé nia simu hahú husi tinan-2019 to’o 2021 ho montante US$500.

"Ha'u sente kontente, maske fundus ki'ik, maibé ha'u bele haruka ona ha'u nia oan sira ba eskola no haree ba hahan uma laran nian, tanba osan ne'e, ha'u halo negósiu loke kios ki'ik, bele fasilita ha'u ona," nia hakotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items