“Ami-nia faze primeiru sei fó servisu ba ema 1200 direta”, hatete nia hafoin enkontru ho Prezidente Republika, José Ramos Horta iha Palásiu Prezidensiál, Bairopite, kuarta (25/05).

Tanba emprezáriu Pelican Paradise iha ninia filozofia rasik hakarak de'it atu fó servisu ba ema sira iha área rurál, hanesan hatudu mós iha nasaun Malázia, iha ne'ebé Pelican Paradise sempre tau prioridade ba ema sira hodi aproveita oportunidade.

Ba inisiativa fó kampu traballu ne'e, tanba durante Pelican Paradise ninia prezensa iha Timor-Leste mós kleur ona, ne'ebé sira konsege akompaña situasaun Joven Timóroan nian, inklui simu mós korajen balun husi ukun na'in sira.

Maibé iha ne'e, Pelican Paradise haree katak joven sira iha ne'e sei iha enerjia boot atubele servisu inklui aproveita aprende mós buat foun barak ne'ebé sei mosu iha investimentu ida ne'e. (*)