Print this page

Irrigasaun Estragus iha Manatutu Hahú Rekopera

Administradór Munísipiu Manatutu, Bernardo Lopes, ko'alia hela ba www.tempotimor.com iha salaun apuramentu Baukau, segunda (23/05). Administradór Munísipiu Manatutu, Bernardo Lopes, ko'alia hela ba www.tempotimor.com iha salaun apuramentu Baukau, segunda (23/05). Foto Tomas Freitas

Tempotimor (Baukau)-Administradór Munísipiu Manatutu, Bernardo Lopes, informa, dadaun  hahú ona halo rekuperasaun ba irrigasaun sira ne’ebé hetan estragus husi kalamidade iha loron 04 fulan-abríl tinan-2021.

"Iha dia 04 abríl 2021, kuaze Timor laran tomak hasoru dezastre naturais, ida ne'ebé estraga infraestrutura kuaze enjerál, ohin Munísipiu Manatutu hahú tama rekuperasaun ba infraestrutura hirak ne'e," dehan nia iha salaun apuramentu Baukau, segunda (23/05).

Infraestrutura ne’ebé hetan estragus mak, irrigasaun, estrada diresaun husi Suku ba Postu no Postu ba Munísipiu, inklui komunidade nia hela fatin.

Maibé, irigasaun konsege rezolve ona fatin tolu hanesan, parte domin, laklo, obratu no dadaun bee tama ona ba komunidade nia natar hamutuk 687 hektar.

Nune'e mós, estraga ligasaun estrada Suku ba Postu, husi Postu ba Munísipiu, rezolve ona iha área tolu, Postu Laklo, Laklubar no Postu Soibada.

Alende ne’e, vítima dezastre natúral sira, autoridade Manatutu fó ona apoiu hanesan ai-han ba ema na'in-150 no matérial ba uma nian, dadaun prepara ona ba família hamutuk 437.

"Agora ba treseiru no kuatru trimestre, tuir mai atu haree implementa fokus ba programa ne'ebé sei uza orsamentu jerál estadu (OJE) 2022 uza ida ne'e," nia hatete

Ba tinan 2022-2023, Munísipiu Manatutu hetan orsamentu milloes 4.5, ne’ebé ezekusaun atinji ona pursentu 47 ba primeiru, segundu trimestre, no sei ezekuta tán pursentu 53 ba terseiru no kuartu triméstral.

"Orsamentu ne'e, prioridade mak tolu ohin ne'e, tanba labele halo buat foun enkuantu buat tuan sei estraga hela, entaun ha'u foti ida ne'e prioridade ba 2022 nia orsamentu," nia afirma

Entretantu Munísipiu Manatutu iha Postu Administrativu-6, Suku 31, Aldeia 103, ho nia populasaun hamutuk 54.151. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items