Print this page

SEPOFE Kontinua Prepara Traballadór Na'in-12 ba Korea

Sekretáriu Estadu Formasaun Profesionál Empregu (SEPOFE), Alarico de Araujo hamutuk ho Diretor sira hasai foto hamutuk ho traballador na'in-12 ne'ebe sei aranka ba servisu iha nasaun Korea. Sekretáriu Estadu Formasaun Profesionál Empregu (SEPOFE), Alarico de Araujo hamutuk ho Diretor sira hasai foto hamutuk ho traballador na'in-12 ne'ebe sei aranka ba servisu iha nasaun Korea. Foto Tempo Timor

Tempotimor (Dili)-Sekretáriu Estadu Formasaun Profesionál Empregu (SEPOFE) liuhusi Diresaun Nasionál Empregu Exterior (DNEE) kontinua prepara traballadór Timoroan (12) atu ba servisu iha Korea Súl.

“Objetivu husi seremónia ba loron ohin hatudu katak (SEPOFE) ho família husi trabalhadór Timoroan sanulu-resin (12) nia família atu asina kontratu ba trabalhadór sira ne'ebé atu servisu iha nasaun Korea Súl”, dehan Sekretáriu Estadu Formasaun Profesionál Empregu (SEPOFE), Alarico de Araujo iha Salaun DNEE, Bekora, kinta (19/05).

Bainhira traballadór sira atu ba halo sira-nia atividade iha Korea no Austrália tenke iha enkontru (SEFOPE), ho inan aman husi traballadór sira atu halo akordu ida ho família sira hanesan asina deklarasaun ida para traballadór sira ba ema nian nasaun labele halo ajenras arbiru atu nune’e sira bele la'o tuir sira-nia hakarak tenke la'o tuir deklarasun ne'ebé sira asina ona atu nune’e labele difikulta ba sira-nian moris se wainhira sira la la'o tuir deklarasaun ne'ebé mak sira asina ne’e bele fó difikulta ba sira.

‘Traballadór sira ne'e, atu aranka ba Korea totál 12, feto ida no mane sanulu resin-ida (11) iha dadus 2022 nian ami haruka ona traballadór 568 mak ba ona Korea maibé ami sei iha planu kada fulan tenke haruka ba ida ne’e mak ami-nia planu, traballadór na’in sanulu resin-rua (12) ne'ebé atu aranka ba ne'e maioria servisu iha fábirika hotu de'it”, afirma nia.

Tanba ne’e, husu ba traballadór sira ba servisu iha ema nian nasaun tenke hatudu hahalok ne'ebé di'ak ba ema no hakarak husu ba inan aman husi traballadór sira, bainhira família sira haruka osan mai tenke kokolo halo di'ak.

Trabalhadora, Juzefina Ornai, husi munisípiu Baukau hatete, ho esforsu to’o aranka ba Korea tanba ekonomia uma laran hanesan feto ida nia prontu atu husik hela família hodi ba serbisu iha ema nia rai.

“Oportunidade ida ne'ebé ami hetan ona, ha’u hanesan feto ida sente kontete, tanba ha'u mai husi família ne’ebé ki’ak ho oportunidade ida ne'e ha’u bele ajuda filafali ha’u-nia inan aman atu haree ba nesidade uma laran no bele selu alin sira nia eskola, maibé ha'u sente triste tanba ha’u husik hela ha’u-nia família hodi ba buka moris iha ema nian rai”, deklara nia.

Maske hetan oportunidade ida ne'e maibé ho prosesu ne'ebé naruk hanesan feto ida ne'ebé iha aten barani no fiar-an atubele susesu iha futuru nian nunka falta vontade ho estudu ne'ebé nia halo maske hasu difikulta oioin, hakarak atu halo kontente família uma laran no hakarak mós susesu hanesan feto sira seluk.

“Ha'u hanesan feto jove ida sente kontente no orgullu tebes ho ha’u-nia susesu ida ne'e ho tempu ho durasaun ne'ebé naruk ha’u pasiénsia to’o ohin loron hala'o ha’u-nia prosesu estudu nia durante tinan rua (2) maibé tuir loloos formasaun ne'ebé ami hetan nia durasaun fulan neen (6) maibé husi (SEFOPE) sira bele fó tan oportunidade mai ami hodi kontinua halo nafatin ami-nia estudu até agora ami halo ami-nia teste ne'e totál ami na’in-sanulu-resin-rua (12) feto ida no mane sanulu resin-ida (11) ami sira ne mesak bagian fábrika’, hatete nia.

Hanesan joven feto ida hakarak husu ba feto maluk sira atu lalika lakon oportunidade ida ne'ebé hetan ona no lalika tauk wainhira atu halo atividade ruma maske hasoru difikulta barak koko la'o nafatin tanba moris hakarak sai ema ne'ebé susesu ne'e la fasil. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items