Print this page

Aban, Autoridade Baukau Fahe Fós 100 ba Família Kbi'it La'ek

Prezidente CNJTL Munísipiu Baukau, Julio Paulo Gomes, ko'alia hela ba mídia iha salaun apuramentu Baukau, kinta (19/05). Prezidente CNJTL Munísipiu Baukau, Julio Paulo Gomes, ko'alia hela ba mídia iha salaun apuramentu Baukau, kinta (19/05). Foto Tomas Freitas

Tempotimor (Baukau)‐Autoridade Munísipal liuhusi Konsellu Nasionál Juventude Timor-Leste (CNJTL-sigla portugés) sei fahe fós saka 100 ba família kbi'it la'ek sira iha ámbitu komemorasaun loron restaurasaun independensia ba dala XX (20) iha Munísipiu Baukau, aban 20 Fulan-Maiu tinan 2022.

Prezidente CNJTL Baukau, Julio Paulo Gomes, hatete, dadaun mundu infrenta krize ekonomía hodi fó impaktu ba komunidade kbi'it la'ek sira, nune'e parte CNJTL Baukau, halo pedidu ba autoridade Munísipiu Baukau atu apoiu fós.

"Fós ita prepara saku 100 atu distribui ba kbi'it la'ek sira, tanba agora ita haree infrenta hela krize global, entaun komunidade kbi'it la'ek sira ne'e tulun," dehan nia iha salaun apuramentu Baukau, kinta (19/05).

Benefisiáriu ne'ebé CNJTL rejistu ona atu hetan apoiu hamutuk 50, tuir planu kada ema ida sei hetan fós saku-2.

"Mai husi suku bahu, trilolo, buibau, bukoli, suku ne'ebé mak eziste iha Baukau vila i komunidade seluk ne'ebé hela iha postu baukau vila mak kategoria hanesan kbi'it la'ek difisiénsia ita fó ajuda," nia hatete (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items