Print this page

Konstrusaun UKL Etapa Daruak Suku Makalaku Hetan Uma 10

Uma ba Kbi'it La'ek ne'ebe Governu kontrui ba benefisiariu sira. Uma ba Kbi'it La'ek ne'ebe Governu kontrui ba benefisiariu sira. Foto Suplay

Tempotimor (Dili)-Lideransa Komunitáriu liliu Xefe Suku Makalaku, Julio Belo hatete, benefiáriu Uma Kbi’it La’ek (UKL) ba estapa daruak (II) iha suku Makalaku, Postu Administrativu Kelikai, Munisípiu Baukau, identifika ona benefisiáriu uma-kain sanulu (10) husi Aldeia Bokilai no Defada'e.

“Ita iha suku Makalaku ne'e hetan uma sanulu, ba aldeia Makalira iha alvu primeiru hetan ona uma tolu, maibé agora aldeia Defada'e no Bokilai hetan uma lima (5)”, dehan Juliu Belo ba www.tempotimor.com liuhusi telefone, domingu (15/05).

Ba autoridade lokál nia parte identifika ona no asina surat kona-ba konstrusaun nian no hein hodi simu orientasaun iha etapa tuir mai.

“Ami ba asina surat iha Postu Kelikai ne'ebé ami hein programa depois kuandu sai mak ami ba tuir tan enkontru atu foti koutasaun ne'ebé sei lidera husi PNDS rasik”, esplika nia.

Dadaun ne'e, Suku Makalaku implementasaun UKL primeira etapa aldeia Makalira mak hetan uluk enkuantu iha segundu etapa aldeia Bosilai no Defada'e hetan uma UKL hamutuk lima ne'ebé sei konstrui iha tinan 2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items